Môi tiah hmâ to lâi hơnăm kố, hâi má 7 dêi măng t^ng má 2 rêm khế, chi [o# pơlê Beng, cheăm Ia Chía, tơring ia Grai, kong pơlê Gia Lai tơku\m hôp. Pơlê ai 7 ngế đảng viên [ă tung mâu hơnăm achê kố châ ’mot tơ’nôm 1 ngế đảng viên cho Trung u\i Ngô Văn Hữu, kăn [o# mô đo#i Đông tơkăng kong Ia Chía.

Ngin mơhúa châ veăng hôp chi [o# pơlê Beng tung khế kố. Hâi ki hôp tơpui mê hên tơdroăng ro, mâu đảng viên xuân veăng hnê tối tơku\m tối hên ‘na tơdroăng cheăng pêi pro ti lâi vâ tơ-[rê tơdroăng ki po tơku\m hôp trâm mâ dêi chi [o#  pơtối mơnhông tơ-[rê; pro ti lâi vâ ki tơ-[rê ki hlê ple\ng, tuăn tơche\ng tơmiât ‘na pêi cheăng kâ, tơdroăng pêi chiâk dêi kuăn pơlê tung pơlê. Ing mê, veăng mơdêk tơdroăng rêh ối dêi mâu rơpo\ng, malối mâu rơpo\ng kơtiê dêi tơdroăng hôp tơpui tơno.

Trung u\i Ngô Văn Hữu ăm ‘nâi, tơdroăng veăng hôp tơpui tơno dêi chi [o# pơlê hiăng kum ngoh hlê iâ tuăn tơmiât dêi kuăn pơlê. Ing mê, ai mâu tơdroăng veăng hnê tối veăng ăm pơlê xuân môi tiah tí tăng ‘nâi ple\ng ăm khu râ Đảng, mâu kăn kong pơlê tơtro tâ:

‘’Pêi pro tiô pơkâ dêi râ kơpêng [ă mơ-eăm pơtối rak vế tâi tơná vâ veăng hôp tung chi [o#, ki xiâm vâ mơdêk tơ-[rê tơdroăng hôp tơpui tơno dêi chi [o# [ă hlối tơru\m pêi tơdroăng cheăng kring vế, gak ngăn tíu tơkăng kong [ă tơdroăng cheăng hnê mơhnhôk. Ing mê tơdroăng hôp, pêi cheăng a pơlê mê á xuân tơmâng xo [ă ‘nâi tơdroăng tơmiât púi vâ dêi kuăn pơlê vâ ing mê ai pơkâ teăng tơdrêng tí tăng ‘nâi ple\ng ăm khu râ Đảng, mâu kăn cheăm tơring, mâu ngế pơkuâ tíu pêi cheăng lêng ai mâu tơdroăng pơkâ kum kuăn pơlê i tơtro tâ’’.

Pôa Rơ]om Chich, Krâ pơlê, kăn hnê ngăn chi [o# pơlê Beng, cheăm Ia Chía, tơring Ia Grai, kong pơlê Gia Lai ăm ‘nâi, riân sap ing apoăng ai đảng viên mô đo#i tíu tơkăng kong ‘na tơdroăng mơdêk mơnhên. Mâu đảng viên tung pơlê xuân ple\ng nhên tâ ‘na hnoăng cheăng, pêi dêi tơná. Ing mê, hên ngế đảng viên kô mơ-eăm tâ nếo tung mơnhông cheăng kâ vâ pro troăng ahdrối ăm kuăn pơlê [ối.

Hên mâu rơpo\ng ing mê hiăng khên hơ’lêh hdrê pêt, ing pêt alâi, pêt pôm hiăng pêt hên mâu loăng plâi ki ê, păn hên mơnăn [ă pêt kơphế, pêt loăng hôt, pêt krui kơxái, pêt nhâ che\m ăm ro rêi, păn pu pái [ă tung tuăn tơngah mơdêk tơ-[rê, mơnhông tơdroăng rêh ối:

‘’Ing tơdroăng hnê tối ăm kuăn pơlê mâu troăng hơlâ tiô pơkâ dêi Đảng, luât tơnêi têa, klêi mê mâu tơdroăng pơkâ dêi kong pơlê, klêi mê tơdroăng ra ngăn troăng tơkăng kong tơneăn tâp hdró pơla kuăn pơlê [ă mô đo#i gak tơkăng kong. Pro ti lâi vâ mơdêk tơru\m cheăng hmâ pơla mâu lêng [ă kuăn pơlê a kơpong tíu tơkăng kong.

Má péa, cho tơdroăng mơnhông cheăng kâ vâ kơdroh hrâ mơnguâ, xăm kơtiê. Ki xiâm xuân cho rak tơniăn tơdroăng kal kí, tơniăn lâp pơlê pơla a tíu tơkăng kong’’.

Kong pơlê Gia Lai ai troăng tơkăng kong lối 90 km tơkâ luâ 7 to cheăm, 3 tơring, achê [ă kong têa Kul. A troăng tơkăng kong dêi kong pơlê hiăng mơjiâng a đông, tíu pêi cheăng hiăng pro klêi [ă 8 đông dêi mô đo#i gak tơkăng kong. Tâi tâng mâu đông xuân hiăng rah xo mâu kăn [o#, đảng viên ki rơkê kơhnâ veăng pêi tơdroăng cheăng tung khu Đảng [o# mâu cheăm.  To a đông Mô đo#i gak tơkăng kong Ia Chía, Đăi u\i Đặng Minh Cường, Kăn pho\ Đông ăm ‘nâi, đông tơkăng kong hiăng rah 10 ngế rơtế kâ, ối, pêi cheăng [ă kuăn pơlê a 10 to thôn pơlê. Kố cho mâu ngế ki xiâm achê kuăn pơlê teăm tí tăng ‘nâi ple\ng mâu tơdroăng tối ăm khu râ Đảng, mâu kăn cheăm tơring xuân môi tiah kăn kăn đông tơkăng kong dêi kong pơlê vâ pêi tro mâu tơdroăng cheăng kâ rêh ối pơlê pơla, kring vế tơniăn a kơpong tơkăng kong:

‘’Pơla hdrối kố nah, châ Đảng ủy, mâu kăn cheăm, tơring kong pơlê, kăn [o# đảng viên a mâu cheăm tơring khe\n kơdeăn kăn [o#, đảng viên mố đo#i gak tơkăng kong troh veăng pêi cheăng. Mơhno a tíu, [ă mâu chi [o#, kăn bo#, mô đo#i gak tơkăng kong ai hnoăng cheăng pêi kum mâu chi [o# tung ‘mâi mơnhông, pơtối rak vế pêi pro ki tơ-[rê tơdroăng hôp, tơru\m trâm mâ. Má péa,  kum chi [o# thôn pơlê xuân môi tiah mâu kăn cheăm pơlê mơnhông tơdroăng kal kí. Xuân ing tơdroăng hmâ tơku\m hôp a mâu thôn pơlê mê kăn [o# gak tơkăng kong xuân ‘nâi ple\ng teăm tơdrêng mâu tơdroăng cheăng, tung cheăm, mâu tơdroăng tơmiât pêi pro xuân môi tiah mâu tơdroăng ki tô tuăn dế nôkố’’.

Tơdrêng [ă tơdroăng rak ngăn hnoăng pơkuâ, kring vế tơniăn, mô đo#i gak tơkăng kong Gia Lai dế pêi tơdroăng ki tro, veăng ‘no hnoăng mơnhông cheăng kâ tơdroăng rêh ối tơmeăm khoăng dêi kuăn pơlê kơpong tơkăng kong. Ing mê, mơjiâng xiâm ki tơniăn kring vế, gak ngăn tơkăng kong tung tâi tâng kuăn pơlê châ tơniăn.

Tung mâu hơnăm hiăng luâ, Khu lêng gak tơkăng kong dêi kong pơlê Gia Lai hiăng mơhnhôk pêi pro hnoăng cheăng xiâm lêng pơkuâ rak tơniăn hnoăng pêi pro kring gak vâ tơniăn cheăng kal kí, kring vế tơniăn pơlê pơla a tíu tơkăng kong, teăm tí tăng ‘nâi ple\ng, tơru\m [ă khu râ Đảng, mâu kăn rêm pơlê cheăm [ă mâu khu râ pơkuâ cheăng pơkâ troăng hơlâ ki tơtro ăm tơrêm tơdroăng ki trâm, pôi tá tro kơdrâ, tơplâ mơdât mâu ngế ki pro xôi, malối cho xôi ‘na ma tu\i [ă tơdroăng pêi pro dêi khu ‘’Tin lành Đêga ‘’, veăng kring vế tơniăn a kơpong tíu tơkăng kong. Kơ’nâi kố, cho tơdroăng tơpui tơno [ă Đăi tă Vũ Trung Kiên, ngế pơkuâ xiâm Mô đo#i gak tơkăng kong dêi ko ng pơlê Gia Lai.

Tơdroăng mơdêk kring tơniăn tíu tơkăng kong dêi pơlê, hlối ối, kâ [ă kuăn pơlê, tơru\m [ă mâu kăn Đảng, mâu kăn pơlê cheăm vâ mơnhông cheăng kâ rêh ối [ă kring tơniăn kal kí, tơniăn lâp pơlê tíu tơkăng kong Gia Lai châ pêi pro môi tiah lâi tung hơnăm hiăng luâ?

Đăi tă Vũ Trung Kiên: Hnê tơdroăng pơkâ tơru\m pêi pro pơla Đảng [ă Khu xiâm pơkuâ ngăn lêng mố đo#i tơkăng kong [ă khu kăn Đảng kong pơlê Gia Lai mê ngin hiăng hbrâ mơjiâng luât tơru\m [ă khu kăn Đảng tơring cheăm tơkăng kong. Ing mê, ngin tơku\m mơjiâng pơla khu kăn Đảng Mô đo#i tơkăng kong dêi kong pơlê [ă khu kăn Đảng 3 tơring tíu tơkăng kong pơkuâ hnê mơhno ăm mâu đông mô đo#i gak tơkăng kong tơru\m [ă mâu kăn Đảng dêi mâu cheăm, tơku\m mơjiâng xiâm hnê mơhno ‘na tơdroăng kal kí dêi lêng, ‘na cheăng kâ, mơhno ki le\m tro - rêh ối pơlê pơla tíu tơkăng kong.

Ing tơdroăng xúa mâu kăn [o# đông tơkăng kong hnê mơhno [ă mâu khu râ kăn cheăm tơring vâ ’mâi mơnhông mơjiâng mâu khu xiâm ki vâ pêi rơdêi. Xiâm mê ngin ai 7 ngế kăn [o# lêng tơkăng kong, rah 7 ngế ki ai ivá, ai hiâm mơno le\m, ai hnoăng cheăng [ă châ hnê vâ veăng pêi [ă khu râ cheăm. Ta troh nôkố hiăng ai lối 6 troh 7 ngế ối pro kăn [o# kring gak đông tơkăng kong, rah 7 ngế ki ai ivá pêi cheăng kơhnâ rơkê  [ă hnê vâ veăng pêi cheăng [ă mâu kăn Đảng cheăm.

Ta troh nôkố hiăng ai 6/7 ngế cho kăn pho\ hnê ngăn Đảng ủy cheăm. {ă ngin rah lối 50 ngế kăn [o# gak tơkăng kong a mâu đông tơkăng kong vâ veăng hôp, pêi cheăng [ă mâu chi [o# thôn pơlê. {ă ngin x^ng xoăng tơdroăng cheăng ăm mâu kăn [o# dêi mâu đông tơkăng kong pơkuâ mâu rơpo\ng hngêi.

{ă tơdroăng pêi pro tiah mê, ki pơxúa châ tơ-[rê ga tiah lâi?

Đăi tă Vũ Trung Kiên: Cho mâu khu ki mê kô pêi cheăng rêm hâi [ă mâu khu râ kăn Đảng a pơlê cheăm ‘mâi mơnhông mơjiâng mâu tơdroăng kal kí ‘na cheăng kâ, mơdêk pêi mâu tơdroăng tơkêa bro [ă hnê mơhno vâ mâu kuăn pơlê pêi pro tro tiô troăng hơlâ dêi Đảng, luât tơnêi têa; mơdêk ki hlê ple\ng, hlê ‘na hnoăng cheăng tơnêi têa ‘na tơkăng kong. Xua mâu tơdroăng pêi pro ki nhên mê mâu hơnăm hiăng luâ ngin hiăng mơjiâng xiâm vâ môi tuăn kuăn pơlê krá tơniăn a kơpong tơkăng kong.

{ă ing hiâm mơno chân krá pro ăm kuăn pơlê loi nhoăm a Đảng, loi a mâu kăn, [ă kuăn pơlê rơtế [ă mâu mố đo#i gak tơkăng kong mơjiâng mâu tíu ki xiâm. Pak^ng mê, ngin tơru\m krá [ă mâu ko\ng an, mâu lêng mơjiâng mâu tíu xiâm ‘na cheăng lêng kring gak tơniăn kuăn pơlê. Ing xiâm pro krá tơniăn ing kuăn pơlê, rak tơniăn ‘na kring vế, gak ngăn tơkăng kong tâi tâng kuăn pơlê rế châ mơnhông kring tơniăn.

{ă troh nôkố vâ tối tu\m tơdroăng ki tơdjâk troh kring tơniăn tơkăng kong xuân vâ mơhnhôk ăm tâi tâng mâu tơdroăng kal kí, veăng tơru\m pêi kơhnâ khât [ă kuăn pơlê.

Hôm mơnê kơ pôa hiăng tơpui tơno ‘na tơdroăng kố.

Công Bắc chêh

Gương tơplôu [ă tơbleăng