VOV4.Sêdang - Tơdroăng mơjiâng thôn pơlê rêh ối tiô troăng nếo cho môi tơdroăng ‘’ki tro dêi Đảng [ă hiâm mơno kuăn pơlê’’. Drêng tơbleăng pêi, hên kuăn pơlê hiăng vâ pleăng dêi tơnêi, veăng ‘no ivá pêi hnoăng cheăng, [ă tơdroăng tơmiât tơchuâm ‘’mơjiâng pro ăm dêi tơná’’. Y Như\i, 45 hơnăm ối a pơlê Piơng, cheăm A Dơk, tơring Đak Đoa, kong pơlê Gia Lai cho môi ngế ki môi tiah mê. Pôa hiăng pleăng vâ chê 2 sao tơnêi [ă châ Ngế pro xiâm hnê ngăn Chin phuh diâp [âng kơdeăn khe#n xua hiăng ai hnoăng veăng ‘no dêi hnoăng tung mơjiâng thôn pơlê rêh ối tiô troăng nếo. Ngế chêh hla tơbeăng dêi Rơ’jiu Việt Nam hiăng trâm mâ tơpui tơno [ă pôa.

Y Như\i-Ngế ki rơkê kơhnâ tung mơjiâng thôn pơlê nếo

Ô pôa Y Như\i, mơnê êh pôa hiăng troh akố vâ tơpui tơno [ă ngin. Ô pôa Y Như\i, tơdroăng klâi khoh pro êh pôa pleăng dêi 2 sao tơnêi ăm tơdroăng mơjiâng thôn pơlê rêh ối cheăng kâ tiô túa nếo kố?

Y Như\i: Tiô a hlo, vâi krâ nho\ng o tung pơlê pin kal vâ tơnêi, mê á khoh chiâng xing xoăng. Á ôh tá tơmiât tơdroăng ki klâi hơngế, lơ liăn ngân ki kố ki mê. Xua troăng prôk mê, vâi po tơdrăng tro a kơdrum loăng plâi ki á pêt, mê á athế ai hnoăng veăng xing xoăng dêi tơnêi vâ mơjiâng pro troăng. Pro troăng xuân cho vâ dêi tơná prôk lăm tơ’lêi hlâu tâ …

Pơla kố, êh pôa hôm hlo ai pơxúa tơdroăng ki mơjiâng thôn pơlê rêh ối cheăng kâ tiô túa nếo a dêi pơlê pơla tơná?

Y Như\i: -Á hâk mơnê ‘nâng. Tá xê to á tê, mê tâi pơlê cheăm akố pơrá hâk nâ sôk suâ. Á xuân ối chôu vế, drêng khu kăn pơkuâ ngăn tơring, cheăm mơhnhôk mê rêm ngế veăng pêi pro. Ki rơhêng vâ tối, a hâi ki pơxiâm mơjiâng troăng prôk hdrối mê nah, tâi tâng rêm ngế pơrá veăng pêi cheăng kơhnâ khât, ôh tá ai ngế ki lâi tơpui rơbok, maluâ tơpui híu môi rơkong. Tơnêi têa pơkâ pêi pro mê tâi pơlê athế veăng pêi pro tu\m yoh.

Troăng thôn pơlê nếo hiăng kêi a tơnêi ki Y Như\i hiăng pleăng

Tơdroăng pleăng tơnêi a pơlê kố, mê êh pôa hôm hlo dêi rơpo\ng hngêi tro lu\p há lơ ti lâi?

Y Như\i: Xuân ai ‘nâng. Laga, tâng po troăng prôk mơjiâng thôn pơlê nếo kố cho tơdroăng kal, ga ai pro pơxúa ton xo\n ăm pơlê cheăm. Hmâ troăng ki lăm troh a klâng chiâk xuân tiah mê, hdrối nah prôk lăm pá puât, nôkố rơxế kơtâu, chơ báu, kơphế [ă hía hé tơ’lêi hlâu păng ‘nâng ăm vâi krâ-nho\ng o.

Hdrối vâ pleăng tơnêi ki kố, êh pôa hôm tro khu pơkuâ ngăn cheăm pơklât thế lơ ti lâi?

Y Như\i: Ô oh, ôh tá ai tơdroăng ki klâi, pá ai kơbố pơklât thế á pleăng tơnêi. Hlo vâi tối vâ po troăng a kơdrum loăng plâi á, á xuân vâ pleăng dêi tơnêi tung kơdrum ki mê. Troăng krúa le\m, kân rơdâ, tơkâ hluâ kơdrum loăng plâi, á ‘ló hâk mơnê ‘nâng, ôh pá ai vâi pơklât thế á pleăng tơnêi.

La vâi hmâ tối tiah kố ‘’Môi xơtá tơnêi cho môi kơtó mêa’’. Tơdroăng pleăng dêi tơnêi ki kơnâ tiah mê, êh hôm ai pâ thế vâi ăm êh liăn lơ ti lâi?

Y Như\i: Ôh, á ôh tá tơmiât troh tơdroăng ki pâ thế vâi mơhá ăm á liăn ki klâi, á mơhno\ng pleăng dêi tơnêi. Á tơmiât, tá xê to tơná á, tá mâu kuăn pơlê ki ê tâng troăng prôk ki cheăm tối vâ mơjiâng tro a kơdrum deăng vâi ‘lo, vâi xuân vâ pleăng dêi tơnêi môi tiah á, xua bố bố xuân vâ veăng kum ‘no dêi hnoăng cheăng tơná, tơnêi tơná cho ăm pơlê cheăm. Hluâ tâ ki mê nếo, drêng hiăng pro klêi troăng ki mê ah, rơpo\ng hngêi [ă pơlê cheăm kô châ prôk lăm tơ’lêi hlâu, tiah mê, pá ai tơdroăng ki tro lu\p, ga ai pơxúa ăm tơná pin.

Dế nôkố, tung kơxo# tơnêi ki hiăng pleăng mê, troăng dêi thôn pơlê nếo châ mơjiâng pro krúa le\m, kân rơdâ, drêng kố êh pôa hlo ti lâi drêng tơmiât dêi hnoăng cheăng tơná hiăng pleăng tơnêi ăm cheăm?

Y Như\i: Á sôk hâk păng ‘nâng [ă tơdroăng pêi pro kố. Ki rơhêng vâ tối drêng troăng ki kố hiăng klêi, mê cho tơdroăng ki phiu ro [ă xuân cho tơdroăng ki hơ’lêh nếo ăm tâi pơlê cheăm. Nôkố tơdroăng prôk lăm, pêi chiâk deăng, pơto chơ kế tơmeăm, báu, prá, alâi ga tơ’lêi hlâu.

Tiô tơdroăng châ ‘nâi, hnoăng cheăng veăng kum dêi pôa hiăng châ khu kăn pơkuâ ngăn pơlê cheăm mơnhên tối, hiăng châ Ngế pro xiâm hnê ngăn Chin phuh diâp [âng kơde#n kheăn, kố cho tơdroăng ki ‘ló hâk nâ sôk suâ kân. Pôa hlo ti lâi klêi kơ’nâi châ diâp [âng khe#n kơdeăn dêi Ngế pro xiâm hnê ngăn Chin phuh?

            Y Như\i: Tơdroăng kố á sôk ro păng ‘nâng. Mơnê Ngế pro xiâm hnê ngăn tơnêi têa hiăng diâp ăm á {âng kơde#n kheăn, cho tơmeăm khoăng ki kơniá git, ga hiăng mơhnhôk hiâm mơno á hên ‘nâng. La păng ‘nâng, sap ing apoăng hdrối á vâ pleăng tơnêi á ôh tá [e#ng ê kô châ Ngế pro xiâm hnê ngăn Chin phuh lơ Khu pơkuâ ngăn ‘na kuăn pơlê pêi chiâk kô diâp ăm á [âng kơde#n kheăn ki klâi. Tơnêi ki á pleăng mê ga ôh tá ‘nhó kân to lâi. Ki xiâm á vâ kum ăm tơdroăng ki pơxúa tơchuâm ăm pơlê tê.

Ô vâi krâ nho\ng o [ă pú hmâ! Vâ khoh chiâng thôn pơlê, rêh ối cheăng kâ tiô tuá nếo, tá xê bú kơnôm tơngah to tơdroăng to\ng kum dêi Đảng, Tơnêi têa mê kal ai tá tơdroăng veăng kum ‘na ivá cheăng dêi kuăn pơlê, kế tơmeăm dêi kuăn pơlê nếo. Ing mâu troăng prôk ki djâ troăng hdrối mê hên ngế hiăng ‘no dêi tơmeăm khoăng tơná [ă rơpo\ng hngêi xua vâ pro pơxúa tơchuâm ăm pơlê pơla môi tiah pôa Y Như\i hiăng veăng kum hơ’lêh ki tơtro păng ‘nâng a pơlê cheăm dêi tơná. Mơnê pôa Y Như\i hiăng tơpui tơno [ă ngin. Rơkâu êh pôa châ [lêi chiâng hên tơdroăng tung rêh kâ ối.

Ô vâi krâ-nho\ng o [ă pú hmâ, pó nếo klêi hmâng tơdroăng tơpui tơno pơla ngin [ă pôa Y Như\i, cho ngế ki rơkê tung veăng ‘no hnoăng cheăng mơjiâng thôn pơlê nếo. Roh tơpui tơno kố ăm pin hlo: Pleăng tơnêi mơjiâng thôn pơlê nếo cho tơdroăng ki hlo hên a mâu pơlê cheăm dêi hdroâng kuăn ngo. Ki ‘ló sôk phiu tâ mê nếo, xua tơdroăng pleăng tơnêi kố hiăng hlo hên a mâu pơlê cheăm kơpong hơngế hơngo [ă pơlê achê, kum pơlê cheăm rế hiá thăm rế châ mơnhông tơtêk tâ.