Đơ̆ng rŏng kơ Anih tơm vei lăng choh jang xa păng atŏk tơiung tơring tơrang pơma đam kĕh păng kĭ pơkăp Tơdrong hơgăt hăm Anih tơm vei lăng, iŏk thuê̆ tơmam tĕch mơdro hăm teh đak đe kơ Trung Quốc găh tơdrong tĕch tơpu sem pleng Việt Nam ăn teh đak Trung Quốc, công ty yến sào Thành Dung, apŭng Krông Pắc, dêh char Đắk Lắk hlôi pơm hla ar tĕch tơpu sem pleng păng truh khei 11/2023, anih âu đei Anih tơm vei lăng, iŏk thuê̆ tơmam tĕch mơdro hăm tek đak đe kơ Trung Quốc chu asong tĕch tơmam. Lơ̆m ‘măng tĕch mă blŭng, công ty tĕch 300kg tơpu sem pleng, đei kơjă 12 ti hlak jên.
Lơ̆m dêh char Đắk Lắk dang ei đei hlŏh 1.000 unh hnam rong sem pleng, hăm dang 1.300 tŏ hnam rong. Tơdrong tĕch tơpu sem pleng kiơ̆ trong tơm ‘măng mă blŭng đơ̆ng Đắk Lắk tôch gĭt kăl yoa Trung Quốc jĭ teh đak răt yoa tơpu sem pleng lơ hlŏh lơ̆m apŭng plenh tĕh hrei ‘nâu. Tech mơdro kiơ̆ trong tơm gô tơgŭm ăn anih rong sem pleng iŏk tơpu pơm tơmam xa kơ dêh char đei tơdrong ‘lơ̆ng vă tĕch tơmam tơ̆ teh đak tôch xă âu, hơdai hăm ‘nŏh hơnhăk ba tơdrong đei yoa lơ ăn bơngai rong păng dôm anih pơm tơlĕch tech mơdro tơmam pơm đơ̆ng tơpu sem pleng tơ̆ teh đak đe.
Viết bình luận