VOV4.Bahnar – Hơnơ̆ng đei đon kơchĕng hơtŏk tơ-iung, pơ-‘nam hŏk hơlen, akŏm đei tơdrong ‘nao vă iŏk yua lơ̆m pơm jang, Kpă Meo, bơngai Jarai tơ̆ pơlei Tung, xăh Ia O,(Chư Prông-Gia Lai) hlôi jing um rŭp jang rơgei tơ̆ tơring hăm jang sa iŏk đei truh 400 trĭu hlj rim xơnăm. Dang ei, Kpă Meo hlôi jing bơngai yak hloh hin dơnuh ăn kon pơlei hŏk ƀoi.

VOV4.Bahnar - ‘Năr brei (27/4), tơ̆ Dak Lak, Jơnŭm jang cheh phe Buôn Ma Thuột hlôi pơgơ̆r hop akŏm “5 sơnăm cheh phe ‘lơ̆ng Việt Nam”.

VOV4.Bahnar - Dôm xơnăm kơ âu, apŭng Đăk Đoa, dêh char Gia Lai hlôi jing minh lơ̆m dôm anih tơm pơtăm chăn hroi kơ dêh char Gia Lai. Tơ̆ âu, ưh adrô̆ teh pơtăm chăn hroi đei pơih xă, mă kon pơlei jang mir pơtơm jang chăn hroi kiơ̆ pơkăp vă jang kơjăp xơđơ̆ng, kih thuơ̆t pơm jang roi năr roi đei hơtŏk.

VOV4.Bahnar - Tơlĕch jang kơtang hơvơn tơmơ̆t jên jang lơ̆m rong kon tơrong hăm kmăi kmŏk hơgei, lơ̆m lơ̆m kơđeh khei ‘năr, dêh char Gia Lai hlôi đei 46 tơdrong vă jang đei drơ̆ng nơ̆r tơmơ̆t jên jang. Mă lei mưh dôm tơdrong va wjang au đei iung jang, tơdrong jang au hlôi ƀôh hơdăh lơ tơdrong ưh kơlăp.

VOV4.Bahnar - Pơyan kăt yuă ƀa Phang tơ̆ apŭng Krông Nô (dêh char Dak Nông) păng apŭng Krông Ana (dêh char Dak Lak) tŏk bŏk lăng ƀôh tơdrong sơ ‘ngon ƀơ̆t kơhrĕng hek tar ƀa đei bo, plei tơ jur lơ, ƀơ̆t lăp 1, 2 chŭn na đei hiong pơ goh mă lei tam mă băt hơdăh yua đơ̆ng kiơ.

VOV4.Bahnar - Tơdrong jang rong kơ drot athei bơngai rong đei đon hơdrin, jang mă hơlen păng hlôh vao găh tơdrong hơrih tih vơ̆ đơ̆ng kơdrot kŭm nhen tơdrong chôh lĕch  đơ̆ng rim kơloăi pơkao vă kơ drot chă trep iŏk pơkao kiơ̆ pơyan.

VOV4.Bahnar – Dang ei tŏk bŏk ăh khei tơm kơ pơyan phang tơ̆ Tây Nguyên. Jơnŭm pơgơ̆r tơring păng anih jang kơpal tơrĕk dôm tơring atŭm hăm kon pơlei tŏk bŏk tơlĕch lơ trong tơjră tô̆ pơđang pơrăm ‘long pơtăm đei ƀôh tơ̆ dêh char Gia Lai păng Đăk Lăk.

VOV4.Bahnar – Đơ̆ng mă plei sâu riêng đei tĕch ăn teh đak Trung Quốc, kơjă tĕch lơ̆m teh đak tŏk kăp, tơ̆ Lâm Đồng hlôi đei ƀôh kon pơlei koh rô̆ lê̆ minh ƀar hơdăh ‘long pơtăm nai vă iŏk teh pơtăm sâu riêng pơm ăn teh pơtăm sâu riêng tŏk tenh.

VOV4.Bahnar - Đơ̆ng rŏng kơ dăr hơ len tôm tơdrong dôm tơdrong jang vei rong kon tơrong tơmơ̆t yua kơmăy kơmŏk ‘nao tơ̆ dêh char, dêh char Gia Lai hlôi đei hơmet ming lơ̆m trong jang sơng iŏk tơmơ̆t jên jang; hơtŏk loi dơ̆ng vei lăng, dăr lăng dôm tơdrong jang vei rong kon tơrong tơ̆ hơnăp kơnh.

VOV4.Bahnar – Minh ƀar xơnăm kơ âu, kơyuơ kơjă sâu riêng hơnơ̆ng tŏk kăp, pơyua lơ, kon pơlei jang mir tơ̆ Đăk Lăk adoi oei luh lăh pơih xă hơgăt teh pơtăm. Tơdrong mă âu gô pơm ăn bơngai pơtăm gô bơh ƀơm lơ tơdrong răm, đơ̆ng pơrang hơdrông truh tơdrong tĕch tơlĕch tơmam drăm jang đei.