VOV4.Bahnar – Lơ̆m pơkăp lêh akŏm ka phê Buôn Ma Thuột 'măng mă 8, Anih jang găh Choh jang xa păng Hơtŏk tơring pơxĕl dêh char Đăk Lăk jang atŭm hăm Kŏng ti kôh phân Phŏng rei Bình Điền pơgơ̆r Tơdrong akŏm Bơngai jang mir pơlong rơgei xơnăm 2023.

VOV4.Bahnar – Lơ̆m tơdrong pơkăp Lêh akŏm ka phê Buôn Ma Thuột 'măng mă 8 xơnăm 2023 ăh pơgê năr 10/3, tơ̆ pơlei tơm Buôn Ma Thuột Jơnŭm jang ka phê Buôn Ma Thuột pơm Lêh pơtơm tơdrong pơlong bơ̆ đak ka phê kăp gĭt Việt Nam xơnăm 2023.

VOV4.Bahnar -  Pơgơ̆r đơ̆ng năr 10 truh năr 14/3, Pơm lêh chehphe Buôn Ma Thuột ‘măng mă 8 sơnăm 2023 hăm hơnăn “Buôn Ma Thuột hơnih truh kơ chehphe apŭng plĕnh teh” đei pơgơ̆r tih hlŏh đơ̆ng sơ truh dang ei hăm 18 tơdrong pơgơ̆r tơm păng lơ tơdrong pơgơ̆r kiơ̆.

VOV4.Bahnar – Jê̆ 2 giĕng âu, truh ăh khei pĕ yua pơyan tiu xơnăm 2023, kơjă tiu tơ̆ Đăk Lăk tŏk bŏk oei tŏk rim kơ năr, bơngai pơtăm tiu xô̆ jơhngơ̆m, hăm tơdrong hơpơi tĕch đei kơjă noh gô kla đei jên axong jang huach lơ kon jên.

VOV4.Bahnar - Anih vei lăng păng atŏk tơiung tơring tơrang dêh char Lâm Đồng ‘nao đei hla ar athei hơlen năng, hơmet ming trong jang sir iŏk bô-xít lơ̆m dêh char yoa ƀơm kơnê̆ truh tơ̆ lơ hơgăt tĕh đei bri ‘long.

VOV4.Bahnar - Dôm dêh char Tây Nguyên tŏk bŏk mơ̆t lơ̆m pơyan tŏ. Khŭl kơdră păng anih jang kơpal dôm dêh char lơ̆m tơring hlôih kơchăng vei sơđơ̆ng đak tơruih tang găn tŏ phang ăn kơ ‘long pơtăm. Hơdai hăm hơdrin tơlĕch jang dôm trong jang tang găn ŭnh sa bri.

VOV4.Bahnar - Kơplăh dang ei dêh char Lâm Đồng păng pơma atŭm tơ̆ dôm dêh char Tây Nguyên, mât lơ̆m pơyan phang ‘lơ ‘lŏ. Vei lăng mah mai đak pruih ăn chĕh phe ‘nŏh jĭ tơdrong tôch gĭt kăl, đei kon pơlei, anih choh jang xa tơ̆ dôm tơring tôch tơrĕk, vă pơgar ‘long jing ‘lơ̆ng, đei măh mai đak ăn pơyan phang.

VOV4.Bahnar - Anih vei lăng rei pơtăm, Anih tơm vei lăng choh jang xa păng atŏk tơiung tơ ring tơrang ‘nao đei hla ar gơih ăn Anih vei lăng choh jang xa păng atŏk tơ-iung tơring tơrang dôm dêh char,, plt găh Pơbăh găh tơdrong pơtăm ‘long sâu riêng, tơtă mưh pơtăm kư̆ kă gô pơm tơlĕch tơdrong răm ưh gơ̆h băt hơdrol:

VOV4.Bahnar -  Tơ̆ hơnăp pơkoel kơtang đơ̆ng teh đak đe răt iŏk, dôm sơnăm tơjê̆ au, lơ hơnih mơdro sa păng hơp tak xah tơ̆ Gia Lai hlôi atŏk kơtang tơdrong apĭnh pơjing mã tơring pơtăm păng hơnih tăh ‘nŭng tơmam drăm choh jang sa. Gơnơm đơ̆ng noh, lơ tơmam drăm choh jang sa kơ Gia Lai hlôi đei tĕch mơdro tơ̆ teh đak đe.

VOV.Bahnar - Pơgê năr 22/2, tơ̆ Hà Nội, Dơnŏ anih tơm vei lăng Choh jang sa păng Atŏk tơ iung tơring tơrang pơgơ̆r Hop akŏm trư̆k tuyên tơlĕch jang “Trong jang atŏk tơ iung khoa hŏk kmăi kmŏk păng tơplih ‘nao trong tơchăr hơnih jang Choh jang sa păng Atŏk tơ iung tơring tơrang truh sơnăm 2030, lăng truh sơnăm 2050”.