VOV4.Bahnar - Anih vei lăng kon pơ lei dêh char Dak Lak ‘nao đei tơ chơ̆t găh tơ drong pơ jao hơ dăh trong tơ lĕch jang jên tơ mơ̆t jang hơ tŏk tơ iung đơ̆ng jên jang dêh char hơ met ăn iŏk hơ drol bơ̆ jang kiơ̆ tơ drong jang tơm teh đak pơ jing tơ ring tơ rang ‘nao, trong vă jang sơ năm 2021. Kiơ̆ kơ ‘noh, akŏp jên đei hơ met ăn ‘noh 180 ti hlak jên. Anih vei lăng kon pơ lei dêh char pơ jao kơ rim anih jang ƀơm truh tơ lĕch jang bơ̆ jang kiơ̆ trong tơ lĕch jên jang vei sơ đơ̆ng iŏk đei tơ mam tơm, tơ dỏng hơ găt đơ̆ng tơ drong jang. Anih vei lăng kon pơ lei rim apŭng, thị xăh, pơ lei tơm lăng kiơ̆ lơ̆m kơ sô̆ jên đei klăih song păng hla ar hô sơ tơ drong jang đei kĭ tơ lĕch tơ drong tơ chơ̆t klăih song tơ roi hơ dăh trong tơ lĕch jên jang truh rim tơ drong jang. Rim tơ ‘ngla tơ mơ̆t jên jang lăng kiơ̆ lơ̆m kơ sô̆ jên đei klăih song, hơ vơn tơ drong vang jang đơ̆ng kon pơ lei vă tơ lĕch jang kiơ̆ păng tơ lĕch jên ƀlep tơ drong hơ găt.

Thuem: Tơ blơ̆