Đơ̆ng rŏng hloh 9 sơnăm tơlĕch jang pơjing tơring tơrang ‘nao ‘lơ̆ng rŏ, sơnăm 2023 xăh Ea Kao hlôi jang đang 19/19 tơdrong hơgăt jang đang tơring tơrang tơrang ‘nao ‘lơ̆ng rŏ kiơ̆ tơdrong hơgăt. Pơtôch pơjing iŏk đei tơring tơrang ‘nao ‘lơ̆ng rŏ kơ xăh đei tơƀôh hơdăh ‘lơ̆ng tơ̆ lơ tơdrong nhen: tơdrong hơrih sa tơmam drăm, jơhngơ̆m đon kơ kon pơlei ưh kơ đei pơdơh hơtŏk; iŏk yua jô̆ păh lăp đei hloh 60 triệu hlak jên 1 sơnăm.

Xăh Ea Kao jĭ 1 lơ̆m 4 xăh kơ pơlei tơm Buôn Ma Thuột đei drơ̆ng ăn xăh jang đang tơring tơrang ‘nao ‘lơ̆ng rŏ lơ̆m ‘măng ‘nâu. Hơtŏk akŏp kơsô̆ xăh tơring tơrang ‘nao ‘lơ̆ng rŏ kơ pơlei tơm tŏk 5 xăh. Ƀok Vũ Văn Hưng, Kơdră Anih vei lăng kon pơlei pơlei tơm Buôn Ma Thuột roi tơbăt, pơlei tơm hơdrin truh đĭ sơnăm 2024 pơlei tơm gô đei 8/8 xăh jang đang tơring tơrang ‘nao ‘lơ̆ng rŏ păng 1 xăh jang đang tơring ‘nao ‘lơ̆ng hloh.