Hlŏh 1 giĕng tơlĕch jang, dôm tơring đĭ ƀet hlŏh 1 puăt kơsô̆ hơgăt bơih. Lơ̆m kơsô̆ hlŏh 38 rơbâu kơ liêu vắc xin tang găn jĭ vơnh ăn kŏ meo, plt Buôn Ma Thuột jĭ tơring đei ƀơk lơ hlŏh hăm loi 7.500 kơliêu, 3 tơring đei ƀơk hlŏh 4 rơbâu kơliêu ‘nŏh dôm apŭng Cư Kuin, Krông Pach păng Ea H’leo.

Dang ei Anih jang thŭ y hlôi pơgơ̆r pơtâp pơhrăm ăn kăn ƀô̆ jang thŭ y vă pơgơ̆r ƀet ăn kon tơrong, ƀet trŏ ki thuơ̆t păng vei lăng sơđơ̆ng ‘lơ̆ng ăn bơngai ƀet; Pơgơ̆r năm roi tơbăt hăm gre tơ̆ dôm apŭng, thĭ xăh, plt lơ̆m khei ‘năr ƀet vắc xin tang găn jĭ vơnh. Atŭm hăm ‘nŏh pơtho ăn dôm Anih vei lăng kon tơrong păng jang thŭ y tơlĕch trong ƀet pơgang kiơ̆ trong pơm anih ƀet 1 dơnơ̆ng păng pơgơ̆r năm ƀet tơ̆ tơring pơvih ăn kon pơlei kơtă tơ̆ hnam.