Tơrĕk hloh noh, lơ hơ-ioh ƀơm jĭ klak chroh hlăm kơyuơ tơdrong pơhơi đơ̆ng mĕ ƀă. Tơ̆ Khoa Nhi tŏng hơp, Hnam pơgang tơm tơring Tây Nguyên, hơ-ioh hơmet jĭ klak chroh đei lơ jơhnơr sơnăm, mă lei lơ hloh noh hơ-ioh tơ̆ hơla 5 sơnăm. Đơ̆ng blŭng sơnăm truh dang ei, đei pơhlom 500 hơ-ioh ƀơm jĭ klak truh khăm păng hơmet jĭ tơ̆ Khoa.

Dôm năr tơjê̆ âu, kơsô̆ hơ-ioh truh hơmet jĭ klak chroh đei ƀôh tŏk lơ hloh, rim năr đei đơ̆ng 20- 25 ‘nu. Hăm kơsô̆ hơ-ioh ƀơm jĭ klak chroh roi năr roi tŏk lơ jing tơdrong tơbăt hăm đe mĕ ƀă athei kơchăng hloh lơ̆m tơdrong pơm kiơ̆ dôm trong tơlĕch vă tang găn jĭ klak chroh hăm hơ-ioh, kơlih jĭ klak chroh noh tơdrong tơm mă 2 pơm đe hơ-ioh tơ̆ hơla 5 sơnăm lôch răm.