Kiơ̆ Anih vei lăng tơdrong jĭ jăn (CDC) dêh char Đắk Lắk, đơ̆ng blŭng sơnăm 2024 truh dang ei, lơ̆m dêh char đei hlŏh 300 ‘nu bơngai jĭ pơlo lĕch đe tơ̆ đĭ đăng 15 apŭng, thi xăh, plt. Kơsô̆ bơngai jĭ đei lơ tơ̆ plt Buôn Ma Thuột, apŭng Ea Kar păng Krông Pach. Kiơ̆ tơdrong tơchĕng atŭm, Đắk Lắk oei vă mât lơ̆m pơyan ‘mi, pơyan tôch ‘lơ̆ng ăn tơdrong jĭ iung lanh păng gơ̆h tơpŏh tơ̆ lơ tơring.

Ƀok Hoàng Hải Phúc, Kơdră chĕp kơ̆l CDC Đắk Lắk ăn tơbăt, vă vei lăng, tang găn ‘lơ̆ng jĭ pơlŏ lĕch đe, anih jang pơgang hlôi hơtŏk tơdrong jang hơdoi hăm dôm anih jang roi tơbăt hơtŏk tơdrong roi tơbăt găh trong tang găn jĭ; hơtok tơdrong dăr lăng jĭ tơ̆ tơring, hơlen năng dôm anih kre đei jĭ pơlŏ lĕch đe vă gơ̆h tơtom hơmet pơ ‘lơ̆ng.