Lơ̆m 5 khei blŭng sơnăm 2024, lơ̆m dêh char Đắk Nông chih iŏk 463 ‘nu jĭ pơlŏ lĕch đe Dengue, tŏk hloh 1 puăt pơting hăm khei ‘nâu sơnăm 2023. Jĭ akŏm lơ hloh tơ̆ dôm apŭng gah pơbăh ‘noh Đắk Song, Đắk Rlấp păng pơlei tơm Gia Nghĩa.

Mă loi ‘noh tơ̆ Gia Nghĩa, kiơ̆ dăr hơlen đơ̆ng anih jang pơgang, dang ei kơsô̆ bơngai jĭ pơlŏ lĕch đe đĭ hloh 330 ‘nu lơ̆m 100.000 kon pơlei, hloh 2,2 ‘măng kơ sô̆ hơgăt tang găn. Ƀok Êban Thanh Sơn, Phŏ Kơdră Anih vei lăng tơdrong jĭ jăn dêh char Đắk Nông, tơƀôh đon tơtăm kơ jĭ pơlŏ lĕch đe gô đei ƀôh kơtang lơ̆m dôm khei pơyan ‘mi truh. Anih jang pơgang tŏk bŏk răp hơlen rim năr vă băt hơdăh tơdrong bơngai jĭ, hơmet tôm bơngai jang, gre, tơmam, pơgang kơchăng hơmet pơ ‘lơ̆ng dôm hơnih đei jĭ.