![VOV Tây Nguyên/Amazưt tơblơ̆](/themes/custom/vov_4/images/avatar.png)
Vă tơgŭm ăn rim hŏk tro ŭnh hnam tơnap tap sơđơ̆ng jơhngơ̆m pơhrăm ming ‘măn ăn pơlong lĕch ‘măng khoă jăl pêng, dêh char Kon Tum hlôi đei lơ trong tơgŭm djru đe oh. Lơ̆m hloh 5.000 ‘nu hŏk tro kơ dêh char Kon Tum chih hơnăn vang Pơlong lĕch ‘măng khoă jăl pêng sơnăm au, đei hloh 1.100 ‘nu hŏk tro ŭnh hnam tơnap tap, hlôi đei rim hnam trương lơ̆m dêh char pơjing rơvơn hŏk pơhrăm ming tơ̆ hnam trương.
![Hŏk tro hnam trương teh đak rong ‘me dêh char Kon Tum hơngŭr hŏk pơhrăm ming.](https://vov4-media.solidtech.vn/sites/default/files/styles/large/public/2024-06/kon_tum_ho_tro_hoc_sinh_hoan_canh_kho_khan_on_thi_tot_nghiep_20240610131655_3.jpg)
Hơdrô̆ rim hnam trương Teh đak rong ‘me, đe oh đei pơ prŏ ăn hơnih oei păng tơgŭm ăn kon jên sŏng sa. Vă đei kon jên tơgŭm ăn đe oh, rim apŭng, pơlei tơm kơ dêh char Kon Tum hlôi tơlĕch kon jên bơ̆ jang păng chă hơvơn vang tơra tơgŭm, truh dang ei hlôi đei 430 triu hlak jên. Hrei au, Hơnih Đoàn dêh char Kon Tum hơnơ̆ng chă krao hơvơn rim hơnih bơ̆ jang, rim bơngai đei jơhngơ̆m đon ‘lơ̆ng, vă chă tơgŭm ăn dôm hŏk tro unh hnam tơnap tap. Hơnih vei lăng hnam trương pơtho pơhrăm dêh char Kon Tum păng rim tơring, hơnih bơ̆ jang kơ dêh char gô akŏm khul jang, kon jên hu, tơgŭm djru tôm tơdrong ăn đe oh truh đĭ jơ ‘năr pơlong. Tơdrong vang iung jang đơ̆ng rim hơnih bơ̆ jang ‘noh jĭ tơdrong hơlêm tih tên hloh hăm ƀok thây kô păng hok tro vă hơnơ̆ng pơtho, hŏk pơhrăm ming ‘lơ̆ng hơ iă lơ̆m dôm năr vă truh jơ ‘năr pơlong au.
Viết bình luận