Quốc hội pơtơm mơ̆t lơ̆m ‘măng mă 2 ‘Măng hop akŏm mă 7, tơchơ̆t lơ tơdrong gĭt kăl
Thứ hai, 14:26, 17/06/2024
VOV/Thuem tơblơ̆
VOV/Thuem tơblơ̆
VOV4.Bahnar - ‘Măng mă 2 kơ ‘Măng hop akŏm mă 7 tơchĕng hơdrol pơdui đunh đơ̆ng năr ‘nâu ‘năr 17/6 truh ‘năr 28/6. Quốc hội xet hơlen pơdrơ̆ng kiơ̆ lơ hla ar chih pơjing luơ̆t, hla ar chih tơchơ̆t kŭm nhen tơchơ̆t dôm tơdrong gĭt kăl găh tơdrong gơh kĭ ăn.
Tơ̆ ‘măng hop akŏm âu, Quốc hội gô set hơlen, pơdrơ̆ng kiơ̆ 10 luơ̆t. Pơgê hei, Quốc hội pơma dơnuh tơ̆ hơnih hop akŏm tơm găh trong jang tơmơ̆t jên jang ming man trong gre kơdâu hrĕnh Bắc - Nam păih pơmơ̆t trong Gia Nghĩa (Đắk Nông) - Chơn Thành (Bình Phước).
Kŭm lơ̆m pơgê hei mơ̆n, Quốc hội pơma dơnuh găh hơmet ming trong jang tơmơ̆t jên jang Tơdrong jang tơm teh đak hơtŏk tơiung mŭk drăm - tơpôl tơring kon pơlei kon kông păng tơring groi kông jăl jang 2021 – 2030. ‘Nâu jĭ 1 lơ̆m dôm trong jang tih, đei tơlĕch jang jơ̆p lơ̆m teh đak păng akŏm lơ̆m dôm xăh, pơlei tơring kon kông păng groi kông. Tơ̆ kơsơ̆, Quốc hội pơma dơnuh tơ̆ grŭp găh: Luơ̆t Công chứng (hơmet ming) păng Luơ̆t Thuê̆ kơjă tŏk ( hơmet ming).
Viết bình luận