Pơma tơ̆ âu, Kơdră chĕp kơ̆l Ban Bí thư Lương Cường pơma hơdăh, tơdrong sơđơ̆ng ‘lơ̆ng păng hơnŭk hơnoa tơ̆ tơring sơlam teh đak đei lơ tơdrong tơgop, plang jơhngâm đơ̆ng kon pơlei dôm hơdrĕch hơdrung pơma atŭm păng dôm bơngai đei bưng ai, grih tih kơ dôm hơdrĕch kon kông pơma hơdrô̆. ‘Nâu tơpă jĭ “Bơngai đei gơnang yoa kơ pơlei pơla” tơ̆ dôm tơring teh gĭt kăl kơ teh đak Việt Nam ‘mêm kơ eng.

Kơdră chĕp kơ̆l Ban Bí thư Lương Cường pơma hơdăh 200 ‘nu bơngai đei pôk pơ ư ‘măng mă âu jĭ dôm bơngai hơnơ̆ng năm hơdrol hăm Ƀô đô̆i vei lăng tơring sơlam vang vei lăng trong sơlam, jrăng sơlam, iung tơblăh hăm dôm tơdrong yoch pơrăm truh tơdrong pơm tơm teh đak. Roi tơbăt, krao hơvơn kon pơlei tơkêng tơdrong yoch, ưh lui, ưh mơ̆ng kiơ̆ nơ̆r bơngai kơnê̆, ưh đei chă jăk, mât oei kư̆ kă, pơtho lui glăi luơ̆t vang vei kơjăp tơdrong sơđơ̆ng chinh trĭ, sơđơ̆ng lơ̆m tơpôl tơ̆ tơring.