Pơma ah jơ tơƀơ̆p, Kơdră Anih jang Trung ương Măt trâ̆n Tôh kuôk Việt Nam Đỗ Văn Chiến pơtruh nơ̆r hmach bơnê kăp gĭt kơ dôm tơdrong plang, akŏm kơ̆l 'ngok hơgei păng dăp đon dăp bơnôh đơ̆ng rim bơngai jang ƀăo hăm tơdrong jang tơguăt tơguăl tôm kon pơlei; atŭm hăm noh yak hơdoi hăm Măt trâ̆n Tôh kuôk Việt Nam, jơnŭm jang tơpôl lơ̆m tơdrong jang kơ po ƀơ̆t tơbăt 100 sơnăm Năr Ƀăo chĭ kăch mang Việt Nam.

Ăn tơbăt lơ̆m khei năr truh, Măt trâ̆n Tôh kuôk, rim jơnŭm jang tơpôl Trung ương gô tơlĕch dôm tơdrong jang 'nao, ƀok Kơdră Đỗ Văn Chiến hơpơi 'meh rim bơngai jang ƀăo gô pơtoi tơguăt hăm tơdrong jang ou păng pơlan să đon bơnôh tơguăt tơguăl, tơdrong pơm jang, tơdrong plang kăp gĭt truh hăm lơ hơnih jang mŭk drăm, kon pơlei, atŭm tơgop pơjing teh đak bơ̆n pơm jang kiơ̆ chăl sơnăm 'nao – anglŏ sơnăm hơtŏk tơ-iung kơ kon pơlei.