Luơ̆t Thuê̆ hơtŏk kơjă tơmam (hơmet ming) hơgăt găh bơngai pŭ thuê̆, bơngai ưh kơ pŭ thuê̆, bơngai nôp thuê̆, lăng kiơ̆ păng trong jô̆ thuê̆, tơjur păng pơdreo thuê̆ hơtŏk kơjă tơmam. Luơ̆t ‘măng âu hlôi pơm tŏ sĕt bơngai ưh kơ pŭ thuê̆ hơtŏk kơjă tơmam, vă vei sơđơ̆ng tơdrong tơ jur, nôp thuê̆ hơtŏk kơjă tơmam; hơmet pơ ‘lơ̆ng dôm tơdrong tơhlăk tơhlĭn lơ̆m kơplăh bơ̆jang kiơ̆.

Luơ̆t tơplih 7 tơmam, pơvih pơvăn găh bơngai ưh kơ pŭ thuê̆ hơtŏk kơjă tơmam tŏk jing grŭp pŭ thuê̆ hơtŏk kơjă ‘noh đei: phŏng; kơmăy kơmŏk, tơmam joăt kơ yua pơvih pơvăn ăn choh jang sa; duk rôp yâu ka tơ̆ đak dơsĭ, vei răk kĭ chứng khoán; pơvih pơvăn pơgơ̆r tĕch mơdro đơ̆ng anih jang chứng khoán dăh mă anih pơm hla ar chứng khoán; pơvih pơvăn bưu chính, viễn thông đei yua păng internet kiơ̆ tơdrong jang đơ̆ng Khŭl kơdră teh đak; pơvih pơvăn pơvei pơgar sem tơrong, pơgar pơkao, cham ngôi pơhiơ̆, ‘long trong kơ phô̆, tơ̆k hơdăh tơpôl.