Pơtoi kơ tơdrong hop akŏm mă 32, ‘năr âu (năr 16/4), Anih jang Kơpal Kuôk hô̆i tơgop nơ̆r gah chih akŏm Luơ̆t tơplih, hơmet minh ƀar tơdrong lơ̆m Luơ̆t Pơgang. Chih akŏm Luơ̆t tơplih, hơmet minh ƀar tơdrong lơ̆m Luơ̆t Pơgang hlôi hơmet minh ƀar tơdrong tĕch pơdro ‘nao vă pơtrŏ hăm tơdrong đei ƀôh, lơ̆m noh đei tĕch răt kiơ̆ pơkăp điê̆n tưh, vei sơđơ̆ng kơjăp dôm tơdrong jang đei tơrĕk truh tơdrong jang pơgang.

Adoi lơ̆m ‘năr âu, Anih jang Kơpal Kuôk hô̆i hơlen lăng Hla bar pơtruh gah tơdrong pơkăl hơmet trong asong jang Tơdrong jang kơ teh đak gah hơtŏk mŭk drăm – tơpôl tơring kon pơlei kon kông păng groi kông jăl sơnăm 2021 - 2023; Hơlen tơroi gah tơdrong jang tơroi tơgŭm kon pơlei đơ̆ng Kuôk hô̆i păng tơgop nơ̆r gah Hla bar pơtruh đơ̆ng Kơdră teh đak gah tơdrong kĭ Tơchơ̆t tŏk iŏk jên đơ̆ng Việt Nam păng Anih mong jên Hơmet ming păng Hơtŏk tơ-iung apŭng plenh teh ăn Tơdrong jang ming man păng Hơtŏk tơring kơdrơ̆m pơtrŏ hăm hơyuh tŏ ‘mi tơplih pơlei tơm Vinh, dêh char Nghệ An.