Anih tĕch mơdro teh, hnam Dak Lak đei ƀôh tơiung ming ‘lơ̆ng
Thứ hai, 14:00, 22/04/2024
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - “Anih tĕch mơdro teh, hnam Dak Lak lơ̆m chăl hle - Long nol păng tơdrong hiôk” ‘noh jĭ hop akŏm yua đơ̆ng Khŭl jang găh teh, hnam dêh char Dak Lak pơgơ̆r. ‘Nâu jĭ hop akŏm joăt jang ‘măng mă blŭng đei pơgơ̆r đơ̆ng rŏng 1 khei ‘năr anih tĕch mơdro teh, hnam ưh kơ đei tơ drŏ tơdrĕnh tơ̆ dêh char ‘nâu.
Tơ̆ hop akŏm, dôm bơngai joăt jang roi tơƀôh hơgei hloh lơ̆m tơdrong jang găh teh, hnam hlôi tơroi dôm tơdrong kơtơ̆ng ang kăl ăn dôm bơngai tơmơ̆t jên jang păng tơpôl găh trong jang krao hơvơn hơtŏk tơiung ‘nao, lăng ƀôh kăl hloh găh dôm tơdrong hiôk ‘lơ̆ng lơ̆m tơdrong jang teh, hnam kŭm nhen tơplih kơ sô̆ lơ̆m teh, hnam.
Ƀok Nguyễn Văn Kế, Kơdră khŭl jang găh teh, hnam dêh char Dak Lak hơlen lăng, đơ̆ng blŭng sơnăm truh dang ei, anih tĕch mơdro teh, hnam Dak Lak hlôi yak hloh mơmat tat. Rŏ lăng hơtuch sơnăm ‘nâu gô tơiung ming ‘lơ̆ng, mă lei kăl kơ đei khei ‘năr vă akŏm hơdrol kơ tŏk. ‘Nâu kŭm jing khei ‘năr lăp vă bơngai tơmơ̆t jên jang hơlen lăng vih hơlơ̆k hăm tĕch mơdro.
Viết bình luận