Ƀô đô̆i Vei sơlam teh Việt Nam -Trung Quốc atŭm jơhngơ̆m pơjing tơring sơlam teh rơngei hiôk hian
Thứ bảy, 06:00, 20/04/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Tơ̆ pơlei tơm Tịnh Tây, Quảng Tây, Trung Quốc hlôi pơgơ̆r Pơma đam pơjao tơdrong jang Jăl 1 sơnăm 2024 đơ̆ng Khul kơpal tang măt kơ 12 anih Linh vei sơlam teh lơ̆m Ƀô đô̆i Vei sơlam teh Cao Bằng păng Ƀô̆ đô̆i vei sơlam teh Hà Giang (Việt Nam) hăm Khul Kơpal tang măt ăn Chi đô̆i Vei lăng sơlam teh Bách Sắc, Quảng Tây (Trung Quốc).
Tơ̆ jơ pơma đam, 2 pah drơ̆ng nơ̆r sơkơ̆t hơdah, lơ̆m jăl 1 sơnăm 2024, 2 Pah hlôi jang tơnăp hadoi lơ̆m tơdrong vei lăng sơlam teh kiơ̆ tơchơ̆t 3 hla bar tơchơ̆t gah vei sơlam teh Việt Nam -Trung, jang hadoi đei jơnei lơ̆m tơdrong jang tang găn păng tơjră pơm yoch glăi.
Vă jang tơnăp hloh dơ̆ng tơdrong jang hadoi lơ̆m jăl 2 sơnăm 2024, 2 Pah drơ̆ng nơ̆r khei năr truh pơtoi jang tơnăp kiơ̆ tơchơ̆t đơ̆ng 3 hla bar pơkăp khôi luơ̆t sơlam teh Việt - Trung.
Viết bình luận