Hăm jơhngơ̆m đon kŭp yom tơpăt, ƀok Nguyễn Xuân Thắng kŭm hăm khŭl bơ̆jang păng kơdră chĕp kơ̆l dêh char hlôi dan kơvang pơkao, soh plang nhang tơƀôh jơhngơ̆m kŭp yom, băt bơnê kơ nhap ƀok Tổng Bí thư Trần Phú hăm dôm tơdrong tơgop tih tên ăn tơdrong jang kach mang kơ Đảng, kơ hơdrĕch hơdrŭng păng kon pơlei bơ̆n.

Nhap ƀok Trần Phú jĭ bơngai chĕp kơ̆l gơh hơgei, bơngai lĭnh cộng sản 1 jơhngơ̆m đon tơpăt, hlôi đĭ jơ hnơr iung tơblăh, hŭt hơ kâu yua kơ tơdrong rơngei, hiôk hian kơ teh đak, yua kơ tơdrong hiôk chơt kơ kon pơlei. Kơ sơ̆ 16-4, tơ̆ Hà Tĩnh, Học viện Chính trị quốc gia Hồ Chí Minh, Anih roi tơbăt Trung ương păng Anih jang Đảng dêh char Hà Tĩnh jang hơdai pơgơ̆r Hop akŏm khoa hŏk hăm hơnăn: “Tổng Bí thư Trần Phú - Lĭnh cộng sản 1 jơhngơ̆m đon tơpăt, nuih mơng, bơngai kon gơh hơgei kơ hơdrĕch hơdrŭng Việt Nam”.