Ƀok Tổng Bí thư, Kơdră teh đak bơ̆n Tô Lâm Pơma đam hăm Kơdră teh đak Cộng hòa Guinea-Bissau Umaro Sissoco Embaló
Thứ bảy, 09:53, 07/09/2024
Lan chih tơblơ̆
Lan chih tơblơ̆
VOV4.Bahnar – Sơng iŏk nơ̆r hơvơn đơ̆ng Ƀok Tổng Bí thư, Kơdră teh đak bơ̆n Tô Lâm, Ƀok Kơdră teh đak Cộng hòa Guinea-Bissau Umaro Sissoco năm tơmang teh đak Việt Nam đơ̆ng năr 05-08/9. Kơsơ̆ năr 6/9, đơ̆ng rŏng kơ lêh sơng kơpal tơ̆ Anih jang đe Kơdră teh đak, Ƀok Tổng Bí thư, Kơdră teh đak bơ̆n Tô Lâm hlôi pơma đam hăm Ƀok Kơdră Umaro Sissoco Embaló.
Tơ̆ jơ pơma đam, ƀar ƀok kơdră hlôi pơđăp gah tơdrong tơlĕch jang vă hơtŏk tơnăp hloh tơdrong jang hadoi kơ 2 pah lơ̆m khei năr truh; drơ̆ng nơ̆r jang hadoi kơjăp lơ̆m tơdrong jang mŭk drăm, tĕch pơdro, asong jang; pơtoi iŏk yua tơdrong pran kơ tơmam drăm juăt jue noh gah găr sơlơ̆k, atŭm hăm noh akŏm trong jang ‘lơ̆ng vă hơtŏk lơ tơmam drăm tĕch răt hăm teh đak đe, pơm trong hiôk ăn anih jang mŭk drăm kơ 2 teh đak tơmơ̆t pơm jang tơ̆ teh đak kơdih băl.
Đơ̆ng rŏng kơ pơma đam, ƀar ƀok kơdră hlôi bơ̆ng pang lêh kĭ Hla bar pơkăp gah Tơchơ̆t tơgŭm jang chĭnh trĭ păng jang tơbôl kơ ƀar Anih tơm jang tơbôl păng Hla bar pơkăp gah jang hadoi choh jang xa kơ ƀar Anih tơm jang gah Choh pơtăm păng Hơtŏk tơring tơrang.
Viết bình luận