Kơsơ̆ năr 15/9, khul gre chơ tơmam pơtơm đơ̆ng dêh char Kon Tum truh hăm kon pơlei tơring đak hơbông dêh char Tuyên Quang. Khul jang ‘mêm bơnat hlôi asong, sơkơ̆t trŏ hăm 4 tong gre chơ tơmam drăm đei vei lăng ‘lơ̆ng. Chơ pơdŭ dôm jĭt tâ̆n tơmam drăm tơ̆ anih akŏm cham pơhiơ̆ 16/3 tơ̆ pơlei tơm Kon Tum oei đei tơdrong tơgop đơ̆ng lơ kon pơlei.

Hăm tơdrong hơpơi ‘meh dôm tơmam drăm đei pơjao truh tơpang ti kon pơlei tơ̆ tơring đak hơbông kơ dêh char Tuyên Quang, khul jang ‘mêm bơnat dêh char Kon Tum kơchăng pơtruh nơ̆r hơdrol hăm anih jang kơpal păng hlôi đei chơng trong vih vơ̆t adoi nhen anih kon pơlei dăng oei tŏk bŏk kăl iŏk tơdrong tơgŭm.