Tang măt ăn kơdră chĕp kơ̆l Đảng, Teh đak, Tổng Bí thư, Kơdră teh đak Tô Lâm truh pơm lêh păng iung pơma tơ̆ âu. Tơ̆ jơ pơm lêh, Tổng Bí thư, Kơdră teh đak Tô Lâm hlôi hơpăh Mê đai bơ̆ jang dơ̆ng mă mônh, tơmam hơpăh kăp gĭt đơ̆ng Đảng, Teh đak ‘măn ăn Hnam hŏk Chinh trĭ Quốc gia Hồ Chí Minh.

Pơma tơ̆ jơ pơm lêh, Tổng Bí thư, Kơdră teh đak Tô Lâm athei, pơjing Hnam hŏk tơpă jing anih ‘lơ̆ng hơiă găh tơdrong tơiung pơjing Đảng; anih ‘lơ̆ng hơiă găh đon tơnăp mưh hŏk pơhrăm, ki luơ̆t hŏk pơhrăm, anih gĭt kăl vei rong jơhngâm đon ‘lơ̆ng đơ̆ng bơngai Cộng sản; anih pơtâp pơhrăm jơhngâm đon jang đảng, tơdrong ‘lơ̆ng rơgei đơ̆ng Đảng păng đon nuih mưh jang chinh trĭ kơjăp ‘lơ̆ng ăn đe kăn ƀô̆, đảng viên vang hŏk pơhrăm tơ̆ Hnam hŏk; hơnơ̆ng tơgŭm, yak hơdoi hăm dôm Hnam trưng Chinh trĭ vă gơ̆h jang đei tơdrong hơgăt ‘lơ̆ng hlŏh dơ̆ng; pơjing đei Hnam hŏk gơ̆h hơgei; vei kơjăp păng tưk tơiung dôm kơjă kăp gĭt đơ̆ng tơdrong juăt ‘lơ̆ng tơ̆ Hnam trưng Đảng truh hăm dôm Hnam trưng Chinh trĭ păng dôm anih pơtho pơhrăm nai lơ̆m teh đak.