Jang hơdoi yoa “tơdrong rơngei păng jang tŏk” đơ̆ng drŏ kăn Đắk Lắk (Việt Nam) păng Mondulkiri (Campuchia)
Thứ tư, 11:40, 18/09/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar – Kơsơ̆ brei (17/9), tơ̆ plt Buôn Ma Thuột pơgơ̆r hop akŏm hơlen năng tŏk bŏk jăl Bơ̆jang kiơ̆ “Tơdrong drơ̆ng nơ̆r jang hơdoi yoa tơdrong rơngei păng jang tŏk” đơ̆ng Khul drŏ kăn dêh char Đắk Lắk (Việt Nam) păng Khul drŏ kăn dêh char Mondulkiri (teh đak Campuchia), đơ̆ng 2022 – 2027.
Tơ̆ hop akŏm, dôm bơngai tang măt roi tơƀôh dôm tơdrong kăl lơ̆m tơdrong jang tơgŭm ăn drŏ kăn iung jang xa, tĕch mơdro; chĕp vei păng tưk tơiung tơdrong juăt ‘lơ̆ng đơ̆ng sơ̆ kơ hơdrĕch hơdrung tơ̆ teh đak kơdih. Pơma nuh găh tơdrong jang hơdoi mưh bơ̆ jang dôm tơdrong jang tơgŭm ăn drŏ kăn, đe hơioh tơ̆ dôm tơring sơlam. Yă Tô Thị Tâm, Kơdră vei lăng Khul drŏ kăn dêh char Đắk Lắk ăn tơbăt, khei ‘năr truh, Khul drŏ kăn 2 dêh char vă hơnơ̆ng tơlĕch jang ‘lơ̆ng dôm tơdrong drơ̆ng nơ̆r jang hơdoi.
Viết bình luận