Khŭl roi tơƀôh trong hơlen lăng chă rơih hơchăng ăn bơngai oei phak lơ̆m hnam pơnă brŏk hrôih sơnăm 2024 hlôi hop akŏm kĭ ăn hơnăn apĭnh Kơdră teh đak hơchăng ăn kơ dôm bơngai oei phak lơ̆m hnam pơnă gơh brŏk hrôih ƀlep ƀơ̆t 79 sơnăm Quốc khánh teh đak Cộng hoà xã hội chủ nghĩa Việt Nam păng 70 sơnăm Năr rơngei Anih tơm. Đơ̆ng sơnăm 2009 truh dang ei, Kơdră teh đak Cộng hoà xã hội chủ nghĩa Việt Nam đĭ 9 ‘măng kĭ ăn hơchăng brŏk hrôih đơ̆ng hnam pơnă ăn kơ hloh 92.000 ‘nu bơngai pơm glăi đei phak, bơ̆jang, hŏk pơhrăm ‘lơ̆ng vih hơlơ̆k hăm ŭnh hnam, tơpôl pơm kon pơlei đei yua ăn tơpôl.
Vă tơdrong kĭ ăn vei sơđơ̆ng kơjăp, ƀlep khôi luơ̆t, pơm lăp hăm tơdrong hơgăt, ‘meh vă đơ̆ng ‘măng ăn brŏk đơ̆ng hnam pơnă hrôih kiơ̆ trong tơlĕch jang đơ̆ng Đảng păng Tơchơ̆t đơ̆ng Kơdră teh đak, Phŏ Thủ tướng Nguyễn Hòa Bình athei dôm anih jang kơpal akŏm hơlen lăng tơpăt, rơđăh, pơ ‘lơ̆ng, mă hơlen rim bơngai, lăng kiơ̆ tơdrong gơh, hơgăt kiơ̆ tơdrong tơchơ̆t đơ̆ng Luơ̆t hơchăng ăn brŏk hrôih đơ̆ng hnam pơnă păng Tơchơ̆t đơ̆ng Kơdră teh đak.
Viết bình luận