Tổng Bí thư, Kơdră teh đak Tô Lâm pơgơ̆r păng đei ƀai iung pơma pơih blŭng gĭt kăl tơ̆ Hop akŏm. Iung pơma pơih blŭng Hop akŏm, Tổng Bí thư, Kơdră teh đak Tô Lâm tơbăt, Hop akŏm pơma dơnuh, tơgop nơ̆r găh 10 tơdrong găh 2 grŭp tơdrong jang păng 1,2 tơdrong kăl. Kiơ̆ lơ̆m jơhngơ̆m đon ‘noh, Tổng Bí thư, Kơdră teh đak athei Trung ương ‘măn khei ‘năr tơchĕng hơlen vă đei dôm nơ̆r tơgop mă trŏ, roi tơbăt ƀlep yan âu đơ̆ng anih tơm, anih jang, tơring kơdih.

Tơroi găh dôm tơdrong jang kăl kơ jang hloi tơ̆ hơnăp kơnh, Tổng Bí thư, Kơdră teh đak Tô Lâm tơroi rơđăh, tơdrong bơ̆jang kiơ̆ jơnei Tơdrong tơchơ̆t Hop akŏm XIII kơ Đảng ‘noh jĭ tơdrong tơm kăl hloh đơ̆ng đĭ đăng Đảng, đĭ đăng kon pơlei, đĭ đăng lĭnh bơ̆n lơ̆m sơnăm 2025; jĭ tơdrong kăl vă bơ̆jang kiơ̆ jơnei dôm tơdrong hơgăt tơdrong jang 100 sơnăm hăm tơdrong chĕp kơ̆l đơ̆ng Đảng păng yak truh 100 sơnăm pơjing Teh đak.