Pơgê năr 18/9, Hơnih tơm Chinh trĭ hop akom tơgop nơ̆r găh Tơdrong vă jang trong tơmơ̆t jên pơm trong gre treng rĕnh Tu-Pơbăh, lăp đơ̆ng rŏng mơ̆ng Khul kơdră chĕp pơgơ̆r Đảng Hơnih tơm vei lăng trong gre nơnăm tơbăt Hla bơar pơtruh ăn Tơdrong vă jang Trong gre treng rĕnh Tu-Pơbăh păng tơgop nơ̆r đơ̆ng rim hơnih bơ̆ jang, Hơnih tơm Chinh trĭ hlôi pơma dơnuh păng pơma pơtôch ‘nou jĭ tơdrong jang kăl păng kăl iung jang hloi. Trong tơlĕch tơm tơ iung pơjing trong gre treng rĕnh vă trŏ lăp ăn tơdrong ‘meh vă chơ choĕn, tơgop pơ ‘lơ̆ng tơdrong chă chơ tơmam drăm, bơngai kơ tơring Tu-Pơbăh ‘lơ̆ng hơ iă hloh, pơjing hơyak, jơhngơ̆m pran ăn atŏk tơ iung mŭk drăm-tơpôl, sơđơ̆ng teh đak, sơđơ̆ng tơring, tơgop pơjing đei lơ trong chơ tơmam drăm lơ̆m Trong jang atŏk tơ iung teh đak kiơ̆ Tơdrong tơchơ̆t Pơm lêh hop akŏm mă XIII kơ Đảng păng tơlĕch rim trong pơprŏ jang teh đak. Hơnih tơm Chinh trĭ drơ̆ng nơ̆r apĭnh tơgop nơ̆r đơ̆ng Khul kơdră chĕp pơgơ̆r Trung ương Đảng pơdrơ̆ng kiơ̆ trong jang tơmơ̆t jên jang pơm trong gre treng rĕnh Tu-Pơbăh hơdrol kơ Khul kơdră chĕp pơgơ̆r teh đak pơtruh ăn Kuôk hô̆i tơ̆ ‘Măng hop akŏm mă 8, Kuô̆k hôi jăl XV.