Tơ̆ jơ tơƀơ̆p, Kơ iĕng Kơdră chĕp pơgơ̆r Teh đak hơpơi ‘meh vă bơngai đei iŏk yua ăn teh đak dêh char An Giang hơnơ̆ng jing dôm bơngai ‘lơ̆ng, tơgop jơhngơ̆m đon tơ iung pơjing ŭnh hnam phĭ tơtŏ dơnŏ ‘lơ̆ng, hơnŭk hơnoa; ưh gô chang gơnang kơ Teh đak; jĭ hơnih gơnang kơtang vă pơm hơtŏk jơhngơ̆m đon hưch hanh ăn jơhnơr mơlôh hơnơ̆ng kiơ̆ yok rok jơ̆ng dôm bơngai yak hơlou, vei lăng năng tông rơngei hiôk hian păng atŏk tơ iung teh đak pơdrŏng, hơnŭk hơnoa. Tơdrong jang “Nhă đak chăm kơtu” păng vei lăng năng tông dôm bơngai đei iŏk yua ăn teh đak dêh char An Giang hlôi atŏk kơtang ‘lơ̆ng hơnăp jang, sơnong jang kơ rim hơnih bơ̆ jang, mă kăl ‘noh tơ̆ tơring, phương, thĭ trân lơ̆m tơdrong chĕp pơgơ̆r, vei lăng bơ̆ jang vei lăng năng tông dôm bơngai đei iŏk yua ăn teh đak.