Ƀĭ thư Đảng đoan Kuôk hô̆i, Kơdră Kuôk hô̆i Trần Thanh Mẫn păng Ƀĭ thư Jơnŭm asong bơngai jang kơ Đảng Jơnŭm pơgơ̆r teh đak, Thủ tướng teh đak bơ̆n  Phạm Minh Chính atŭm pơgơ̆r tơdrong hop akŏm. Pơma ah jơ pơtơm, Kơdră Kuôk hô̆i Trần Thanh Mẫn ăn tơbăt, ‘Măng hop akŏm mă 8 đei lơ tơdrong hloh lơ̆m dôm tơdrong hop akŏm kơ jăl jang Kuôk hô̆i jăl 15 truh dang ei. Kuôk hô̆i gô hơlen 39 tơdrong, lơ̆m noh đei 29 tơdrong lơ̆m chih akŏm khôi luơ̆t, 10 grŭp jang gah mŭk drăm – tơpôl, jên mong kơ teh đak; hơlen, gah tơdrong asong bơngai jang păng dôm tơdrong jang nai.

Kơchĕng, ‘Măng hop akŏm mă 8 pơtơm ah năr 21/10 păng pơgơ̆r lơ̆m 29 năr, đei pơgơ̆r jing 2 ‘măng. Kơdră Kuôk hô̆i akhan, hop akŏm đei pơgơ̆r hơdrol kơ pơgơ̆r ‘măng hop akŏm 1 khei vă dôm anih jang chih akŏm, hơlen păng đei jơ pơm kiơ̆ Luơ̆t tơlĕch hăm hla bar chih pơkăp; atŭm hăm noh pơma đam, drơ̆ng nơ̆r gah tơdrong pơkăp Hop akŏm mă 8.