Tơdrong joh hơri “Việt Nam pran kơtang” – Vang tơgŭm yoa kon pơlei tơ̆ tơring 'mi kial đak lơ̆p
Thứ tư, 09:03, 18/09/2024
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar – Hăm jơhngâm đon “’mêm mơnat, băt tơgŭm băl”, “Hla ‘lơ̆ng bơ̆ng hla hiăh”, Radio pơdăh tivi Ki thuơ̆t sô̆ VTC, Công ty jang hơdoi kuang kăo lpơ̆m kơmăy roi tơbăt Oscar (Oscar Media) păng Ƀăo Hà nội ‘nao hlôi pơgơ̆r tơdỏng hơri hơxoang “Vang tơgŭm yoa kon pơlei tơ̆ tơring ‘mi kial đak lơ̆p” hăm hơnăn “Việt Nam pran kơtang” lơ̆m gơmăng ‘năr (17/9) tơ̆ Anih joh hơri hơxoang Âu Cơ, Hà Nội.
Tơdrong joh hơri đei pơih tơpăt lơ̆m kênh VOVTV, VTC1, VTC3; pơih truh dôm kênh VTC Now, Ƀăo Điên tư VTC News, ƀăo Hà Nội mới điên tư; pơih tơpăt lơ̆m kênh YouTube Hưch hanh Việt Nam păng hlŏh 30 Radio-tivi lơ̆m teh đak.
‘Nâu jĭ tơdrong jang tôch ‘lơ̆ng hue lăng truh tơ̆ kon pơlei oei pŭ lơ tơdrong răm đơ̆ng ‘mi kial hơbŭt, kơna đĭ đăng khul jang kŭm hăm hlŏh 100 ‘nu bơngai hơri hơxoang vang truh tơ̆ âu hăm ƀĕnh jơhngâm đon ‘lơ̆ng păng lơ ƀai hơri hơxoang, krao hơvơn rim bơngai đei jơhngâm đon ‘lơ̆ng vang tơgŭm ăn kon pơlei. Đĭ đăng kơsô̆ jên tơgŭm gô đei gơih ăn dôm tơring pŭ răm đơ̆ng ‘mi kial kiơ̆ đơ̆ng Anih Trung ương Mặt trận Tổ quốc Việt Nam.
Viết bình luận