Lăp đơ̆ng rŏng mơ̆ng Kơdră tang măt Hơnih bơ̆ jang Mŭk drăm Trung ương tơroi tơbăt, nơ̆r tơgop đơ̆ng rim hơnih bơ̆ jang, Hơnih tơm Chinh trĭ hlôi pơma dơnuh păng drơ̆ng mĭnh nơ̆r trong bơ̆ jang kăl. Pơma pơtôch hop akŏm, Tổng Bí thư, Kơdră chĕp pơgơ̆r Teh đak Tô Lâm pơma hơdăh, Pơlei tơm hơnơ̆ng tơchĕng hơlen, tơlĕch jang kiơ̆, pơjing rim trong bơ̆ jang tơm ‘lơ̆ng hơ iă hloh trŏ lăp hăm yan ou atok tơ iung kơ pơlei tơm Hải Phòng ƀlep pơchoh trong truh sơnăm 2030, lăng truh sơnăm 2045. Jei lơ̆m pơgê năr 13/9, Hơnih tơm Chinh trĭ hop akom ăn tơgop nơ̆r Tơdrong vă jang pơjing pơlei tơm Huế găh Trung ương. Tổng Bí thư, Kơdră chĕp pơgơ̆r Teh đak Tô Lâm pơkă, tơdrong pơjing pơlei tơm Huế găh Trung ương tơbăt hơdăh jơhngơ̆m đon hơpơi ‘meh vă, drơ̆ng mĭnh nơ̆r đơ̆ng rim răih kon pơlei; pơjing hơyak pran vă Thừa Thiên Huế hơnơ̆ng kiơ̆ yok joăt joe kĕch mang gơ̆h hơgei, vei răk, jang kiơ̆ dôm tơdrong đei gĭt kăl Hơnih tơm so păng tơdrong oei sa ‘lơ̆ng liĕm Huế, tơ iung pơjing pơlei tơm Huế jing hơnih tơm kơ tơring Tŏk bŏk, tơgăl hăm tơdrong hơpơi ‘meh vă đơ̆ng Trung ương Đảng, Hơnih tơm Chinh trĭ păng Kon pơlei lơ̆m teh đak.
Viết bình luận