Ƀok Nguyễn Kim May – Kơdră vei lăng kon pơlei xăh Ea Ktur, apŭng Cư Kuin, Đắk Lắk tơroi, tơ̆ xăh ‘nao đei tơdrong glơ̆k pơm ăn 3 ‘nu hŏk tro lôch. Lơ̆m kơsô̆ dôm bơngai lôch đei 2 ‘nu oh hŏk lăm 4 păng 1 ‘nu ŏh hŏk lăm 3 tơ̆ Hnam trưng jăl mônh Nguyễn Đức Cảnh, xăh Ea Ktur, apŭng Cư Kuin, dêh char Đắk Lắk. 

Dang 11h30’ ‘năr dơ̆ng, ‘năr 22/4, grŭp hŏk tro đơ̆ng rŏng kơ hŏk đang jur ngôi tơ̆ dơnâu Việt Đức 4, xăh Ea Ktur, apŭng Cư Kuin, dêh char Đắk Lắk (hơtăih kơ hnam trưng dang 1km) vă hum. Ƀât oei hum, đe oh ưh pŭn puh tơ̆ anih đak jrŭ, đang kơ ‘nŏh glơ̆k hloi. 1 grŭp hŏk tro nai ƀôh ‘nŏh ôr ar krao bơngai vang dŏng. Mă lei, ƀât dui hơtŏk đe ŏh tơ̆ kông, dŏng hơmet, đe ŏh pă đei arih bơih.  3 ‘nu hŏk tro glơ̆k tơ̆ đak âu tơtă bơngai kon kông ngăl, đei tơdrong arih xa tôch pơmat tat. Đơ̆ng rŏng kơ đei tơdrong glơ̆k tơ̆ đak, bơngai tang măt ăn kơdră chĕp kơ̆l xăh, dôm anih jang, khul grŭp năm hơpong, pơlung unh hnam păng tơgŭm jên vă pơdong, ƀŭ hơmet ăn đe mon.