Vă vei lăng rơgŏh ‘lơ̆ng tơmam xa ƀât Tết Trung thu sơnăm ‘nâu, Anih vei lăng kon pơlei dêh char Đắk Lắk tơlĕch tơdrong Tơchơ̆t pơjing 2 khul dăr lăng đơ̆ng anih jang kơpal găh tơdrong vei lăng rơgŏh ‘lơ̆ng tơmam xa ƀât Tết Trung thu sơnăm 2024 tơ̆ pơlei tơm Buôn Ma Thuột, thĭ xăh Buôn Hồ, dôm apŭng Krông Pach, Ea Kar, Cư Kuin păng Lắk. Khei ‘năr dăr hơlen đơ̆ng ‘năr 11 - 13/9.

Mưh dăr hơlen, 2 khul vă lăng năng tơdrong pơm kiơ̆ dôm tơdrong hơgăt đơ̆ng luơ̆t hăm tơmam xa rơgŏh ‘lơ̆ng tơ̆ dôm anih pơm tơlĕch, tĕch mơdro tơmam xa tơ̆ dêh char, iŏk set hơlen năng dôm kơchơ̆t lơ̆m tơmam xa. Lơ̆m jơnăr dăr hơlen, Khul vă tơlĕch hơdai tơdrong roi tơbăt, pơtho tơƀôh dôm tơdrong hơgăt đơ̆ng luơ̆t, đon hlôh vao găh trong vei lăng tơmam xa rơgŏh ‘lơ̆ng ăn bơngai pơm, tĕch mơdro păng răt yoa hai.