Anih jang kơpal, dôm tơ-‘ngla bri păng kon pơlei tŏk bŏk oei hơmet ăn dôm trong jang tang găn păng pĭt unh xa bri, vă kơchăng tơjră hăm tơdrong unh xa rok. Kiơ̆ Anih jang Vei lăng bri Đăk Lăk, pơyan phang sơnăm âu pơdui đunh 4 khei, pơm ăn lơ tơring bri tơ̆ dôm apŭng Ea Súp, Buôn Đôn, Ea H’leo, Krông Bông, Ea Kar tŏk bŏk ƀônh ƀơm unh xa hli hlơt.

Lơ̆m tơdrong tơbang âu đei Pơgar York Đôn, Cham bri Ea Sô păng Pơgar Chư Yang Sin…. Bri tơ̆ dôm apŭng Lăk, Krông Ana noh ưh gan hli ƀơm unh xa mă lei adoi hli hlơt mưh ưh đei vei lăng tơnăp.