Kiơ̆ kơ noh, đơ̆ng năr 21 truh năr 24/6, dôm tơring gô pơtơm tơplih anih jang, asong tơmam drăm pơm jang păng bơngai jang. Đơ̆ng năr 25–26/6, pơtơm jang pơlong dôm tơchơ̆t chinh trĭ - hanh chinh đei Anih jang Đảng, Hô̆i đŏng kon pơlei, Anih jang vei lăng kon pơlei păng Măt trâ̆n tôh kuôk xah. Lơ̆m khei năr jang pơlong năng, Anih jang Đảng xah hop akŏm Ƀan châ̆p hanh, pơjing tơdrong pơm jang ah khei blŭng a păng tơlĕch tơchơ̆t pơm jang.

Hô̆i đŏng kon pơlei hơmet ăn 'măng hop akŏm mă blŭng, Anih jang vei lăng kon pơlei jang pơlong pơkăp “một cửa”, sek tơlang dôm tơdrong đei ƀôh lơ̆m sơng pơm jang hăm kon pơlei, iŏk yua phân mêm vei lăng hơdoi đĭ đăng. Măt trâ̆n tôh kuôk pơgơ̆r tơdrong jang hơdah. Pơgê năr 1/7, rim apŭng, thĭ xah, pơlei tơm gô pơgơ̆r tơbang pơjing jơnŭm pơgơ̆r xah 'nao. Vă vei sơđơ̆ng tơdrong jang, Tĭnh uy hlôi akŏm Khul pơm jang tơgŭm hăm anih jang kơpal jang hơdoi vei sơđơ̆ng kih thuơ̆t, vei sơđơ̆ng tơpôl, sek tơlang dôm tơdrong đei ƀôh.