Hop akŏm hlôi pơma đam gah Tơdrong pơkăp 'lơ̆ng anih jang hăn chĭn tơ̆ xah, gô pơtơm pơm jang lơ̆m minh ƀar khei truh. Kiơ̆ tơlĕch jang, dêh char gô tơjur đơ̆ng 218 anih jang hăn chĭn tơ̆ xah oei pă 77 anih jang, đei 8 phương păng 69 xah.  Tĭnh uy Gia Lai pơjao ăn Anih jang vei lăng kon pơlei dêh char tơlĕch pơm jang kiơ̆ ƀlep tơchơ̆t tơlĕch.

Đei băt đơ̆ng rŏng kơ pơngơ̆t đon ƀơ̆t blŭng, dang ei đe kan ƀô̆, đảng viên tơ̆ tơring kơ Gia Lai hlôi kơchăng vă keh đang tơnăp rim sơnong jang ah pơkăp hơgrop anih jang tơ̆ xah, tơ̆ dêh char.