Pơma dơnuh ƀar păh Tổng thư ký ASEAN Kao Kim Hourn hăm hơdruh tơdăm ‘noh tơdrong pơgơ̆r kăl hloh lơ̆m Hop akŏm ăn Hơnô̆ hơnăp ASEAN 2024, jĭ pơm kơnăl ăn nơ̆r pơkăp đơ̆ng ASEAN lơ̆m tơdrong pơchoh trong ăn hơdruh tơdăm hơnhăk ba đei tơdrong tơplih ‘lơ̆ng hơ iă ăn hơnô̆ hơnăp, tơgop tơ iung pơjing mĭnh ASEAN tơgoăt dih băl păng kơjăp ‘lơ̆ng.

Khei năr au ki, Khul kơdră chĕp pơgơ̆r rim teh đak lơ̆m au đei Việt Nam hơnơ̆ng lăng ba kơjăp tơmơ̆t jên jang ăn hơdruh tơdăm, pơjing rơvơn vă rim hơdruh tơdăm đei rơvơn hŏk pơhrăm tôm tong, pơm hơtŏk jơhngơ̆m đon gơ̆h hơgei, atŏk kơtang tơdrong rơvơn tơchă đei tơdrong jang. Tơ̆ jơ pơma dơnuh, tang măt ăn hơdruh tơdăm rim teh đak ASEAN đei rơvơn tơroi tơbăt găh jơhngơ̆m đon hơpơi ‘meh vă, tơlĕch dôm nơ̆r apĭnh păng sơng iŏk đei nơ̆r tơblang hơdăh kơtă đơ̆ng Tổng thư ký Kao Kim Hourn.