Ƀok Nguyễn Trọng Nghĩa, Kơdră chĕp pơgơ̆r Ban Tuyên giáo Trung ương pơm tơm pơgơ̆r hơlen. Tơdrong kăl lơ̆m tơdrong pơgơ̆r au ‘noh pơrŏ pơ ư khul ƀô̆ đô̆i, iung yak pơih blŭng hăm rim khul gre vơvêl pơtrui găh Quân chủng Phòng không – không quân, Khul ƀô̆ đô̆i kon pơlei Việt Nam hơnhăk ba hla kơ Đảng, hla kơ Teh đak Việt Nam. Kiơ̆ đơ̆ng rŏng ‘noh iung yak pơrŏ pơ ư khul ƀô̆ đô̆i, khul bơ̆ jang hăm 40 khul, đơ̆ng gre pơtih ăn Teh đak; khul hla kơ Đảng, hla kơ Teh đak; gre ba rup Ƀok Hô; gre pơtih ăn 70 sơnăm jơnei Điện Biên phủ; gre khul kơdră chĕp pơgơ̆r, gre khul chĕp hla kơ; khul ƀô̆ đô̆i drŏ kăn joh hơri; khul ƀô̆ đô̆i Điện Biên... Lăp đơ̆ng rŏng pơgơ̆r hơlen Teh đak, Pơm lêh tơbăt 70 sơnăm jơnei Điện Biên Phủ gô đei hơlen pơtôch lơ̆m năr 5/5 păng pơgơ̆r pơm lêh tơbăt lơ̆m năr 7/5.