Pơma dơnuh tơ̆ hop akŏm, Hơnih bơ̆ jang Kuô̆k hô̆i athei pơprŏ tơring kơdrơ̆m kăl đei trong lăng trŏ lăp, yom kiơ̆ khôi luơ̆t mơdro sa păng trong atŏk tơ iung kơjăp ‘lơ̆ng; lăng kon bơngai păng tơdrong hơrih sa ‘lơ̆ng ‘noh kăl hloh, ‘lơ̆ng hơ iă hloh păng gơ̆h hơgei tơring kơdrơ̆m pơm hơyak atŏk tơ iung; sơđơ̆ng ăn lăng trŭh tơgoăt ƀar păh hơnih kơdrơ̆m păng tơring choh jang sa, trŏ lăp hăm tơdrong yan au mơ̆t lĕch ƀar păh hơnih mơdrơ̆m păng tơring choh jang sa.

Kơdră chĕp pơgơ̆r Kuô̆k hô̆i Vương Đình Huệ pơkă, kăl dăr lăng vă pơm hơdăh, xek tơlang dôm tơdrong đei ƀơm dih băl ƀar păh tơring kơdrơ̆m păng tơ iung pơjing tơring choh jang sa; tơdrong đei mơ̆t lĕch dih băl ƀar păh tơring kơdrơ̆m păng atŏk tơ iung mŭk drăm tơring kơdrơ̆m; pơprŏ trŏ lăp hăm tơplih tŏ ‘mi kial. Kơdră chĕp pơgơ̆r Kuô̆k hô̆i pơma hơdăh, kăl chă tơchĕng hơlen xek tơlang tơdrong tơhlăk tơhlĭn lơ̆m yan au păng trong tơlĕch jang kăl lơ̆m pơprŏ tơring kơdrơ̆m, pơprŏ tơring choh jang sa, adoi nhen hơmet ming pơprŏ lơ liơ mă ƀlep yan au.