Khôi luơ̆t Mŭk drăm joh ayŏ (hơmet ming) sơkơ̆t hơdăh găh hơlen tơchơ̆t, tơdrong rơvơn hơlen tơchơ̆t mŭk drăm păng chih hơnăn mŭk drăm, drơ̆ng nơ̆r mŭk drăm teh đak; vei lăng mŭk drăm teh đak păng hơmet pơ ‘lơ̆ng mŭk drăm đei tơchă ƀôh.

Mă kăl, trong vă pơjing Khôi luơ̆t tơmơ̆t dơ̆ng chăl ‘nao găh vei lăng păng atŏk tơ iung mŭk drăm, tơchơ̆t hơlen găh mŭk drăm au kơ loăi yă kiơ; chih jô̆ mŭk drăm sơ̆ ki; vei răk mŭk drăm sơ̆ ki, hơmet ming mŭk drăm sơ̆ ki. Kơdră chĕp pơgơ̆r Kuô̆k hô̆i pơma hơdăh: Mŭk drăm jŏh ayŏ oei sa kăl đei lăng jing tơdrong ăn atŏk tơ iung, hăm trong atŏk tơ iung ‘lơ̆ng hơ iă. Athei Hơnih pơm tơlĕch tơmơ̆t dơ̆ng trong bơ̆ jang găh chih hơmet tơdrong joăt, tơplih kơsô̆ tơdrong oei sa joăt, jang hơdoi teh đak kon pơlei, mŭk drăm joh ayŏ. Adoi đei trong tơgŭm ăn kăl vei răk tơƀăk mong tơdrong oei sa joh ayŏ kon kông, groi kông, tơring achon dơsĭ, mŭk drăm jŏh ayŏ gĭt kăl hơmơt pă đei vă pơtoi ăn.