Hop akŏm hơdah pơm kiơ̆ Tơchơ̆t 32 đơ̆ng Ƀan ƀĭ thư gah IUU
Thứ ba, 15:07, 23/04/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Kơsơ̆ năr 22/4, tơ̆ Anih jang Trung ương Đảng pơgơ̆r hop akŏm trư̆k tuyê̆n vă tơlĕch pơm kiơ̆ Tơchơ̆t 32 đơ̆ng Ƀan ƀĭ thư gah hơtŏk tơdrong pơgơ̆r đơ̆ng Đảng hăm tơdrong jang tang găn rôp ka hơdang glăi, ưh đei tơroi, ưh đei kiơ̆ tơchơ̆t păng hơtŏk tơ-iung kơjăp đơ̆ng anih jang ka hơdang.
Yă Trương Thị Mai, Kơdră Anih pơgơ̆r jang Trung ương năm hop akŏm păng iung pơma ah hop akŏm noh, Tơchơ̆t 32 hlôi sơkơ̆t hơdah sơnong jang kăp gĭt tơ̆ anăp adoi nhen đunh đai kơnh vă hơtŏk tơ-iung kơjăp kơ anih jang ka hơdang kơ teh đak bơ̆n.
Kơyuơ noh, mưh bơ̆n ưh đei pơklaih tơdrong tơbang “Theh vang” ‘noh ka hơdang pơtruh tơ̆ Châu âu ƀơm hơlen kơjăp hloh, pơrăm truh jên huach kơ anih jang mŭk drăm, tơrĕk truh tơdrong hơtŏk tơ-iung kơjăp sơđơ̆ng kơ anih jang ka hơdang, truh tơdrong jang kơ 82 rơbâu tong duk rôp ka atŭm hăm tơdrong hơrih kơ trĭu kon pơlei jang ka. Kiơ̆ tơlĕch âu, yă Trương Thị Mai pơkăl rim anih jang tơm, anih jang đei tơrĕk adoi nhen dôm tơring athei jang tơnăp vă pơklaih lê̆ tơnap tap gah “Theh vang” lơ̆m sơnăm 2024 âu.
Viết bình luận