Hop akŏm oei đei măt đơ̆ng vă jê̆ 500 ‘nu bơngai ‘nŏh jĭ đe kơdră chĕp kơ̆l dang ei, kơdră chĕp kơ̆l Đảng, teh đak, dôm anih tơm, anih jang kơ pal tơ̆ TW; đe yŏng linh, si kuan, kơdră chĕp kơ̆l dôm dêh char, plt; dôm Hnam hŏk, anih tơchĕng hơlen, bơngai juăt jang, dôm bơngai jang khoa hŏk, dôm bơngai vang iung tơblăh tơ̆ Điện Biên Phủ sơ̆.
Pơma pơih blŭng Hop akŏm, Đại tướng Lương Cường, Kơdră jang lơ̆m Anih tơm Chinh trĭ, Kơdră jang lơ̆m Quân uỷ Trung ương, Kơdră Anih tơm jang chinh trĭ kơ Khul linh kon pơlei Việt Nam pơma hơdăh: Tơdrong hop akŏm khoa hŏk ‘nâu jĭ 1 lơ̆m dôm tơdrong jang tôch hơiă vă tơbăt 70 sơnăm Tơblăh jơnei Điện Biên Phủ (1954 - 2024); jĭ jơnăr vă đĭ đăng Đảng, đĭ đăng kon pơlei, đĭ đăng khul linh chă pơđou dơ̆ng tơdrong juăt iung tơblăh kơtang nuih mơng đơ̆ng rim jơhnơr chăl adrol sơ̆, ƀlŏk hơdơ̆r truh tơ̆ kon pơlei, bôl boăl vang tơblăh, chu lôch hŭt hơkâu ăn tơdrong tơblăh iŏk rơngei hơdrĕch hơdrung.
Viết bình luận