Hop akŏm vă pơma nuh păng tơgop nơ̆r găh tơdrong Hơgăt bơ̆ jang đơ̆ng Khul kơdră chĕp kơ̆l Đảng ƀô dêh char đơ̆ng 2020–2025 păng lơ tơdrong gĭt kăl nai hai. Tơdrong hơgăt đei 5 chăl, 25 apăng, chih hơdăh rim tơdrong jang, tơdrong gơ̆h jang, tơdrong pơvei đơ̆ng dôm anih jang lơ̆m dêh char păng Trung ương, pơm ‘lơ̆ng ăn tơdrong chĕp kơ̆l pơgơ̆r đei yoa, tŏ sĕt bơngai jang.

Pơma nơ̆r pơtho, Bí thư Đảng dêh char Nguyễn Đình Trung athei dôm bơngai jang lơ̆m Khul kơdră chĕp kơ̆l hơtŏk đon jang tơnăp, tơƀôh trong chong glung, mât 1 ƀơ̆r đon păng bơ̆ jang mă ‘lơ̆ng dôm tơdrong hơgăt đei tơlĕch. Tơ̆ hop akŏm, Khul kơdră chĕp kơ̆l drơ̆ng nơ̆r ăn tơdrong tơchơ̆t Pơjing Anih pơgơ̆r jang atŏk tơiung khoa hŏk, kơmăy kơmŏk, tơplih ‘nao rơgei păng tơplih hăm kơmăy sô̆ kơ dêh char; tơgop nơ̆r găh hơnăp jang, tơdrong jang đơ̆ng Anih pơgơ̆r jang; hơlen năng rim tơdrong đơ̆ng Hop akŏm mă mônh kơ Khul kơdră chĕp kơ̆l Đảng ƀô̆ dêh char păng tơdrong jang kăn ƀô̆ kŭm hăm 1,2 tơdrong gĭt kăl nai.