Pơma đam đei tang măt ăn Anih jang vei lăng kon pơlei dêh char, pơlei tơm kơ tơring Pơbah Tŏk bŏk păng Tây Nguyên truh akŏm; rim anih jang asong trong pơkăp jang tơplih kơsô̆ păng hloh 30 jơnŭm jang, anih jang mŭk drăm, bơngai jang lơ̆m jơ̆p teh đak. Sơnăm 2024 đei Anih jang kơ Teh đak gah tơplih kơsô̆ rơih hơnăn jang jing sơnăm “Hơtŏk mŭk drăm kơsô̆ hăm 4 tơdrong tơm jang kŏng ngĭp kŏng ngê̆ thŏng tin, jang kiơ̆ trong kơsô̆ dôm tơdrong jang mŭk drăm, pơgơ̆r jang kơsô̆, chih akŏm kơsô̆ kăl – Trong jang dơnơm ăn hơtŏk mŭk drăm – tơpôl tenh păng kơjăp sơđơ̆ng”.

Tơ̆ pơma đam, tang măt ăn rim anih jang, rim tơring păng anih jang mŭk drăm tơroi gah lơ trong jang hơgei gah tơplih kơsô̆, um rŭp tôm tong gah mŭk drăm kơsô̆ tơ̆ Việt Nam, trong pơkăp jang vă hơtŏk mŭk drăm kơsô̆; dôm sơkơ̆t jang gah tơplih kơsô̆ choh jang xa – tơdrong jang mŭk drăm dơnơm kơ tơring; sơnong jang kơ chih akŏm tơdrong kăl kơ anih jang mŭk drăm adoi nhen dôm trong jang tơplih kơsô̆ hăm tơdrong choh jang xa.