Tơ̆ hop akŏm, bơngai tang măt đei mơ̆ng bơngai jang tơroi tơbăt dôm tơdrong jang ƀơm truh tơring sơlam teh đak păng dôm tơdrong đei ƀôh tơ̆ dôm trong sơlam, tơring đak dơsĭ lơ̆m tơdrong hrei ‘nâu; vei lăng cham char lơ̆m tơdrong jang iŏk akŏm râm rĕk, tang găn đei ƀôh râm rĕk nhươ̆ păng tơpu chai lĕch tơ̆ cham char; 1,2 tơdrong găh hơtŏk hơnăp jang bơngai kră lơ̆m jăl jang ‘nao.

Dôm bơngai tang măt kŭm pơma dơnuh, vang tơroi tơdrong hlôh vao lơ̆m tơdrong jang khŭl, trong roi tơbăt păng hơtŏk hơnăp jang đơ̆ng bơngai jang lơ̆m khŭl lơ̆m vei lăng cham char păng tơring sơlam; tơdrong jang, trong jang hơiă đơ̆ng dôm anih jang lơ̆m vei lăng cham char, tơring sơlam tơ̆ dôm tơring. Hop akŏm vă hơtŏk ‘lơ̆ng hơnăp jang, tơdrong hlôh băt păng vang jang đơ̆ng bơngai kră lơ̆m tơdrong jang vei lăng cham char păng tơring sơlam, đak dơsĭ, achon đak dơsĭ. Đơ̆ng noh, rim bơngai jang lơ̆m khŭl bơngai kră gô jing bơngai pơm jŭk yŭk trong hơlâu, hơtŏk ‘lơ̆ng hơnăp jang “sơnăm kră jơhngơ̆m đon ‘lơ̆ng”.