Tơ̆ hop akŏm, dôm bơngai tang măt akhan, ƀât mă apŭng plenh teh păng lơ̆m teh đak lơ̆m 50 sơnăm teh đak đei pơjing kơjăp ‘lơ̆ng, jang tŏk chủ nghĩa xã hội kŭm hăm dôm tơdrong đei ƀơm truh tơdrong pơjing, jang tŏk teh đak păng vei lăng teh đak Việt Nam.

Pơma lơ̆m jơ hôp, ƀok Nguyễn Xuân Thắng, Kơdră chĕp kơ̆l Hnam hŏk Chính trị quốc gia Hồ Chí Minh pơma hơdăh: trong chih akŏm lơ̆m 50 sơnăm teh đak đei pơjing kơjăp ‘lơ̆ng gô pha ƀiơ̆ kơ chih pơtôch 40 sơnăm tơplih ‘nao ƀât tơdrong: năng hơlen, chih akŏm, hơlen năng rim tơdrong kiơ̆ đơ̆ng “pơjing đei mĭnh teh đak kơjăp ‘lơ̆ng".

Athei pơm hơdăh tơdrong gĭt kăl lơ̆m jơhnơr arih kiơ̆ đơ̆ng pơjing đei 1 teh đak kơjăp ‘lơ̆ng pơih đei 1 chăl jang tŏk ‘nao ăn teh đak bơ̆n; ‘nŏh jĭ jơ̆p lơ̆m teh đak jang tŏk kiơ̆ trong chủ nghĩa xã hội. Ƀok Nguyễn Xuân Thắng oei athei hơnơ̆ng hơmet pơ ‘lơ̆ng, pơm hơtŏk tơdrong kăl đơ̆ng hla ar chih tơroi, jăh ră roi ăn Anih tơm Chinh trĭ, Ban Bí thư, tơgop ‘lơ̆ng, đei yoa, tơtom vă hơmet ăn tơdrong chih tơlĕch Hla ar kăl ăn Hop akŏm mă 14 kơ Đảng.