Kơ iĕng Kơdră chĕp pơgơ̆r Hơnih tơm vei lăng jang pơgang Đỗ Xuân Tuyên tơbăt, bơ̆ jang hơmet ming, pơgơ̆r dơ̆ng hnam pơgang găh Hơnih tơm vei lăng jang pơgang ‘moi kiơ̆ tơjur kơtoei khul kơdră chĕp pơgơ̆r, sơđơ̆ng ăn jang kiơ̆ trong tơlĕch jang đơ̆ng Đảng, Khôi luơ̆t Teh đak, trŏ lăp hăm pơprŏ hơnih jang pơgang teh đak păng tơdrong yan au.

Pơma pơtôch hop akŏm Kơ iĕng Thủ tuớng Trần Hồng Hà pơma hơdăh: Tơdrong hơmet ming, pơprŏ ming rim hnam pơgang găh Hơnih tơm vei lăng jang pơgang, adoi nhen rim hơnih tơm vă pơgơ̆r tơmơ̆t jên jang, tơ iung pơjing rim hnam pơgang đei tôm rơvơn vă iung jang kiơ̆ trong tơlĕch jang ‘lơ̆ng gơ̆h hơgei lơ̆m khăm, ming hơmet jĭ jăn ăn kon pơlei. Kơ iĕng Thủ tướng Trần Hồng Hà athei Hơnih tơm vei lăng jang pơgang dăr lăng, lăng hơlen, hơmet ming rim hnam pơgang kiơ̆ trong tơlĕch jang; adoi lăng ba kơjăp tơmơ̆t jên jang dôm hnam pơgang kăl, bơ̆ jang tơ̆ rim tơring tơnap tap, tơring atăih yăih tim mă iŏk đei tôm tơdrong pơkăp ‘lơ̆ng jang pơgang.