Tơ̆ dôm hơnih năm ngôi, khŭl bơ̆jang hlôi apĭnh jet gia jơhgơ̆m jăn, tơdrong arih sa đe khŭl lĭnh Điện Biên păng răp mơ̆ng jơhnơr ƀok yă vang tơroi găh jơhngơ̆m đon nuih mơng yak hloh mơmat tat, gleh hrat vă vang tơgop jơhngơ̆m pơm đei jơnei “ư hơnhang jơ̆p tơring, pơm tơdrŏ jơ̆p plĕnh teh”.

Kơdră chĕp kơ̆l dêh char Dak Lak tơbăt, jơhnơr hrei ‘nâu ling lang chih răk kŏng jang tih tên đơ̆ng đe yŏng lĭnh, kang ƀô̆, khŭl lĭnh, hơdruh tơdăm sŭng phŏng, kon pơlei vang iung tơblăh sơ̆ păng lĭnh kon pơlei lơ̆m teh đak hlôi iung tơblăh, hŭt hơkâu lơ̆m tơdrong tơblăh Điện Biên Phủ. Ƀlep ƀơ̆t tơbăt 70 sơnăm tơblăh Jơnei Điện Biên Phủ, kơdră chĕp kơ̆l dêh char Dak Lak gơih nơ̆r hmach thơ thâu jơhngơ̆m pran jăng grăng hơkâu păng tơpu tơmam truh đe lĭnh Điện Biên kŭm hăm ŭnh hnam hơnơ̆ng hơtŏk jơhngơ̆m đon ƀô̆ đô̆i Ƀok Hồ, đei lơ tơgop vă pơjing tơring roi ‘năr roi hơtŏk tơiung.