Kơdră chĕp kơ̆l dôm teh đak, dôm khul đảng tơm hơiă hăm dôm tơdrong jơnei tih tên, ‘lơ̆ng hơiă lơ̆m tơdrong jang tŏk, pơjing teh đak Việt Nam hăm tơdrong chĕp kơ̆l pơgơ̆r đơ̆ng Đảng Cộng sản Việt Nam, yoa đơ̆ng Tổng Bí thư Nguyễn Phú Trọng chĕp kơ̆l; pơma hơdăh vă hơnơ̆ng kŭm hăm Tổng Bí thư pơm hơtŏk dôm tơdrong pơvei 2 pang. 

Tổng Bí thư, Kơdră teh đak Lào Thongloun Sisoulith pơma hơdăh: Tổng Bí thư Nguyễn Phú Trọng “hơnơ̆ng tơrek truh păng tơgop ‘lơ̆ng ăn tơdrong hơmet kơjăp tơdrong pơvei jang tơbôl gĭt kăl, mât 1 jơhngâm đon păng jang hơdoi tôm tơdrong đơ̆ng 2 đảng, 2 teh đak păng kon pơlei 2 teh đak Lào - Việt Nam, vei kơjăp tơdrong juăt ‘lơ̆ng đơ̆ng sơ̆ ăn rim jơhnơr”.

Tổng Bí thư, Kơdră teh đak Trung Quốc Tập Cận Bình pơma hơdăh “Năng kăl ‘lơ̆ng tơdrong pơvei Trung - Việt, ‘mĕh kŭm hăm Tổng Bí thư Nguyễn Phú Trọng nơnơ̆ng pơma nuh găh dôm tơdrong gĭt kăl, tơƀôh trong pơjing Tơpôl tơgŭm băl yoa tơdrong arih xa ning mônh kơnh kơ Trung Quốc - Việt Nam roi đunh roi ‘lơ̆ng păng đei yoa hlŏh dơ̆ng”.