Kơdră chĕp pơgơ̆r Ban Tuyên giáo Trung ương Nguyễn Trọng Nghĩa pơm tơm tơƀơ̆p muh măt. Tơ̆ au, rim kơdră tang măt mơ̆ng tơroi tơbăt mĭnh ƀar tơdrong iŏk đei jơnei găh tơdrong bơ̆ jang tơbăt kơtơ̆ng ang, pơrô̆ tơbăt lơ̆m chih kơtơ̆ng ang, pơm tơlĕch kơsơ̆p hla bơar, joh ayŏ kơdŏ soang tơlĕch jang Tơdrong Tơchơ̆t Pơm lêh Hop akŏm Đảng mă XII; bơ̆ jang hơmet ăn rim tơdrong jang gĭt kăl, lăng truh tơbăt 70 sơnăm Jơnei rơngei Điện Biên Phủ.

Kơdră chĕp pơgơ̆r mĭnh ƀar hơnih chih kơtơ̆ng ang, pơm tơlech hla bơar, joh ayŏ kơdŏ soang tơgop nơ̆r tơ iung pơjing, atŏk tơ iung tơdrong jang chih kơtơ̆ng ang, pơm tơlĕch kơsơp hla bơar, joh ayŏ trŏ lăp hăm tơdrong ‘meh vă lơ̆m chăl ‘nao. Kơdră chĕp pơgơ̆r Ban Tuyên giáo Trung ương Nguyễn Trọng Nghĩa athei lơ̆m khei năr kơnh, kơdră đảng, hơnih đảng, kơdră chĕp pơgơ̆r hơnih bơ̆ jang, hơnih jang chih kơtơ̆ng ang, pơm tơlĕch kơsơ̆p hla bơar, rim khul joh ayŏ kơdŏ soang tơring Tơmăn groi kông Bắc Bộ hơdrin hloh dơ̆ng tơlĕch rim Tơdrong tơchơ̆t, nơ̆r Pơma pơtôch đơ̆ng Đảng, Kuô̆k hô̆i păng rim tơdrong jang, trong pơprŏ vă iung jang đơ̆ng Khul kơdră Teh đak.